Qazaqstanda jer kadastry salasyndaǵy kommertsııalyq qyzmet tsıfrlandyryldy
ORAL. KAZINFORM — Jer teliminiń shekarasyn qalpyna keltirý men belgileý ótinishterdi «Jyljymaıtyn múlik biryńǵaı memlekettik kadastry» aqparattyq júıesindegi jarııa kadastrlyq karta arqyly berýge bolady.
«Azamattarǵa arnalǵan úkimet» memlekettik korporatsııasy» BQO boıynsha fılıalynyń baspasóz qyzmetinen málim etkenindeı, bul jer kadastry salasyndaǵy alǵashqy kommertsııalyq tsıfrlyq qyzmet bolyp tabylady.
Memlekettik korporatsııa fılıaldarynyń qyzmetkerleri barlyq aımaqtarda daıyndyqtan ótti, jarııa kadastrlyq kartanyń jańa fýnktsıonalyn testilep kórip, tsıfrlyq formatta jer teliminiń shekarasyn qalpyna keltirý jáne belgileýge ótinishterdi qabyldaýǵa daıyn.
«Memlekettik korporatsııada atap ótkendeı, tsıfrlandyrýdyń birneshe artyqshylyǵy bar: sybaılas jemqorlyq qaýpi tómendeıdi, ótinishterdi aýmaqtan tys, kez kelgen jerden berýge bolady. Eger buryn «Azamattarǵa arnalǵan úkimet» memlekettik mekemesiniń fılıalyna baryp, ótinish berip, daıyn nátıjeni alý qajet bolsa, qazir ondaı qajettilik joq. Kez kelgen azamat nemese zańdy tulǵa avtorızatsııadan keıin (logın/parol, ETsQ, Digital-ID, QR kod) jarııa kadastrlyq kartaǵa ótinish bere alady. Shekaralardy belgileýge nemese qalpyna keltirýge ótinish bergen kezde júıe qyzmet qunyn jedel eseptep beredi — bul jerdiń maqsaty men aýmaǵyna baılanysty — klıentke kelisim-shart jáne tipti qol qoıý úshin tólem úshin shot jiberiledi. Shekaralardy belgileý týraly qorytyndy qujat elektrondy túrde de qoljetimdi bolady. Buǵan deıin memlekettik korporatsııa onlaın rejıminde alýǵa bolatyn taǵy tórt jer kadastry qyzmetin tsıfrlandyrǵan bolatyn», — dep habarlady vedomstvodan.
Eske sala keteıik, budan buryn arnaýly kásiptik memlekettik járdemaqy elimizdiń qaı óńirinen kóp ótinish túskenin jazǵan bolatynbyz.
