Qazaqstanda jeńil avtokólikterdi jalǵa berý qyzmeti keńeıip keledi

ASTANA. KAZINFORM — Ulttyq statıstıka bıýrosy jeńil avtokólikterdi jalǵa berý boıynsha kórsetilgen qyzmetter kólemi 26,7% artqanyn habarlady.

«2024 jylǵy qańtar-maýsymda jeńil avtomobılderdi jalǵa berý boıynsha kórsetilgen qyzmetter kólemi 58,1 mlrd teńgeni qurady, bul 2023 jylǵy sáıkes kezeńmen salystyrǵanda 26,7% artyq (45,8 mlrd teńge). Osy somanyń ishinen halyqtyń qarajaty esebinen usynylǵan qyzmetter 3 mlrd teńgeni qurady, al aýyldyq jerlerde kórsetilgen qyzmetter kólemi 6,8 mlrd teńgege jetti (2,1 ese artyq)», — dep jazdy statbıýrodan.

Júk avtomobılderin jalǵa alýǵa kelsek, atalǵan kezeńde qyzmet kórsetý kólemi 45,3 mlrd teńgeni qurady, bul byltyrǵy sáıkes kezeńmen salystyrǵanda 0,3% kem (45,4 mlrd teńge).

Aýyl sharýashylyǵy mashınalary men jabdyqtaryn jalǵa berý qyzmeti 30,1% ósim kórsetti — 1,6 mlrd teńge (2023 jylǵy qańtar-maýsym — 1,2 mlrd teńge).