Qazaqstanda jeńil kólikterdi jalǵa alý kólemi 61 paıyzǵa artty
NUR-SULTAN. QazAqparat - Qazaqstanda jeńil kólikterdi jalǵa alý kólemi 61 paıyzǵa artty, dep habarlaıdy QazAqparat tilshisi.
Finprom.kz málimetinshe, jalǵa alý, jalǵa berý jáne lızıng boıynsha qyzmetterdiń kólemi tómendep keledi. Kóptegen dyldan beri alǵash ret kórsetkish 16 paıyz mınýsqa ketken. Degenmen, jeńil avtomobılderdi jalǵa alýdaǵy qyzmet kólemi birden 63 paıyzǵa artyp otyr.
2021 jyldyń qańtar-maýsymynda jalǵa alý, jalǵa berý jáne lızıng qyzmetteriniń kólemi 254,4 mlrd teńgeni qurady. Barlyq qyzmetterdiń tórtten úshi 3 óńirge tıesili: Nur-Sultan (96,2 mlrd teńge), Atyraý oblysy (51 mlrd teńge) jáne Almaty qalasy (44,8 mlrd teńge). Qyzmettiń aýqymdy kólemi Mańǵystaý (15,9 mlrd teńge), Batys Qazaqstan (11,2mlrd teńge) jáne Qaraǵandy oblystarynda da (9,8 mlrd teńge) baıqalady. Al eń tómengi kórsetkish Túrkistan oblysynda tirkelgen, nebári 250,2 mln teńge ǵana.
Qyzmet qurylymynda jeńil avtomobılder men jeńil avtokólik quraldaryn jalǵa alý kólemi aıtarlyqtaı joǵary. Esepti kezeńde ol 52,1 mlrd teńgeni qurap, jyl ishinde 61,4 paıyzǵa artyp otyr. Odan keıingi orynda júk kólikterin (26 mlrd teńge), qurylys mashınalary men jabdyqtaryn (14,8 mlrd teńge) alý tur. Al sektorlaǵy qyzmetterdiń mardymsyz kólemi áýe kólik quraldary lızıngine tıesili. Nebári 97 myń teńge ǵana. Sonymen qatar vıdeo kassetalar men dıskterdi jalǵa berý 2,7 mln teńgeni, aqparattyq telekommýnıkatsııalyq júıeler úshin kompıýterler men syrtqy jabdyqtar lılıngi 4,9 mln teńgeni qurady.
