Qazaqstanda jeńil kólikterdi tirkeý 17,5% azaıdy

NUR-SULTAN. QazAqparat – Bıylǵy jeti aıda elimizde 413 myńnan astam jeńil kólik tirkeldi, dep habarlaıdy QazAqparat.

QR Ulttyq ekonomıka mınıstrligi Statıstıka komıtetiniń aqparatyna súıensek, 2020 jylǵy qańtar-shildede Qazaqstanda 413 962 jeńil avtomobıl (ótken jylmen salystyrǵanda 17,5% az) tirkelgen. Sonyń ishinde:

- qoldanysta júrgenine 10 jyldan asqan kólikter sany – 251 999 (2019 jyly – 324 705);

- shyǵarylǵanyna 7-10 jyl bolǵan kólikter – 37 078 (27 056);

- shyǵarylǵanyna 3-7 jyl bolǵan kólikter – 64 086 (99 121);

- qoldanysta 3 jyldan artyq bolmaǵan kólikter – 60 715-ti (42 894) qurady.

2020 jylǵy 1 tamyzdaǵy jaǵdaı boıynsha, elimizde tirkelgen barlyq jeńil kólikteriniń sany 3909,8 myńdy quraıdy.

Statıstıkalyq málimetke sáıkes, bıylǵy qańtar-shildede 6270 jol-kólik oqıǵasy tirkelip, olarda 9096 adam zardap shekken. Ótken jylǵy osyndaı kezeńmen salystyrǵanda apattylyq 26,9% azaıdy.

2020 jylǵy 1 tamyzdaǵy jaǵdaı boıynsha, kólik quraldary ıelerin mindetti saqtandyrý boıynsha saqtandyrý uıymdary 16 mlrd teńge somasyna 39 400 tólem jasaǵan.