Qazaqstanda jeńil kólikter qymbattady
ASTANA. QazAqparat - 2018 jyldyń 11 aıynda Qazaqstan jańa kólikterdiń ortasha quny 7,6 paıyzǵa qymbattady. Bul jaıynda Qazaqstan avtomobıl salasy kásiporyndarynyń odaǵynan málim etti, dep habarlaıdy QazAqparat tilshisi.
Odaq málimetinshe, esepti kezeń qorytyndysynda qazaqstandyqtar 449,2 mlrd teńgege 52 468 jańa jeńil kólik satyp alǵan. Satyp alynǵan jańa kólikterdiń ortasha quny 8 482 myń teńgeni qurap otyr. Bul ótken jyldyń dál osyndaı kezeńimen salystyrǵanda 7,6 paıyzǵa joǵary.
Aıta keterligi, osy jyldyń qańtar-qarashasynda satylǵan otandyq jańa avtomobılderdiń ortasha baǵasy 5 433,4 myń teńgeni quraıdy. Bul ótken jylmen salystyrǵanda 11,3 paıyzǵa qymbat. Al shetelden keletin jańa jeńil kólikterdiń ortasha baǵasy jyl ishinde 21,2 paıyzǵa qymbattap, 11 318,7 myń teńge bolǵan.
Qańtar-qarasha kólik satyp alǵandardyń 35,1 paıyzy quny 5 mln teńgeden aspaıtyn kólikterdi tańdaǵan. ıAǵnı, osy aralyqta quny 3,5 mln-nan bastap 5 mln teńgege jetetin 10 218 kólik satylǵan. Al quny 3,5 mln teńgeden aspaıtyn kólikti 8 174 adam alǵan.
Jalpy alǵandarda qazaqstandyqtar úshin baǵa qoljetimdi jeńil kólik túrleri mynalar: Lada Kalina (2,94 mln tg), Ravon R2 (2,98 mln tg), Lada 4x4 (3,32 mln tg), Ravon R4 (3,5 mln tg), Lada 4x4 Pickup (3,65 mln tg), Renault Logan (3,78 mln tg), Chevrolet Niva (3,99 mln tg), Ravon Nexia (4,49 mln tg) ı Lada Largus (4,5 mln tg).
Al eń qymbat kólikter tizimi mynadaı: Rolls-Royce Ghost (178,1 mln tg), Porsche 911 Turbo (66,3 mln tg) ı Porsche Panamera (51,2 mln tg).
