Qazaqstanda jeńil esirtki túrlerin paıdalaný zańdastyrylmaıdy - QR ІІM
ASTANA. QazAqparat - Qazaqstanda jeńil esirtki túrlerin paıdalaný zańdastyrylmaıdy. Bul týraly búgin QR ІІM Esirtki bıznesine qarsy kúres komıtetiniń tóraǵasy, polıtsııa general-maıory Anatolıı Vyborov málim etti.
«Eýropada marıhýana men gashıshty shegý arqyly esirtki zattaryn paıdalaný zańdastyrylǵan. Bul tájirıbeni zerdeleı kele ony tıimsiz ádis degen qorytyndyǵa keldik», - dedi ol. A.Vyborovtyń atap ótýinshe, máselen, atalǵan esirtki zattaryn zańdastyrýdyń saldarynan Gollandııada qoǵamnan shet qalǵan býyn ósip keledi. «Qazirgi tańda Gollandııada jastary 25-26-ǵa kelgen býyn ósip keledi. Olar qoǵamdyq ómirge aralaspaıdy ári qoǵamnan tys qalǵan. Sondyqtan, bul jol bizdiń elimiz úshin qabyldanbaıdy», - dedi A.Vyborov. Aıta keteıik, Densaýlyq saqtaý mınıstrliginiń derekterine sáıkes, elimizde arnaıy esepke trikelip, esirtkige táýeldilikten emdelýshiler sany 39498 adamdy quraıdy.
