Qazaqstanda jeńil avtokólikterdiń sany 70 paıyzǵa ósti
ASTANA. QazAqparat - Qazaqstanda 2018 jyldyń qańtar-shilde aılarynda 476 751 jeńil avtokólik tirkelgen. Bul kórsetkish 2017 jyldyń sáıkes kezeńimen salystyrǵanda 70 paıyzǵa artyq, dep habarlaıdy QazAqparat tilshisi.
Osy jyldyń 1 tamyzyndaǵy jaǵdaı boıynsha Qazaqstanda tirkelgen jeńil avtokólikterdiń sany 3914,4 myń dana bolǵan.
Esep berilip otyrǵan kezeńde elimizde 8201 jol-kólik oqıǵasy tirkelgen. Bul bir jyl burynǵy kórsetkishten 6,6 paıyzǵa az. Jol-kólik oqıǵalary saldarynan 11 621 zardap shekken.
1 tamyzdaǵy jaǵdaı boıynsha kólik quraldary ıeleriniń azamattyq-quqyqtyq jaýapkershiligimen mindetti saqtandyrýǵa qatysty saqtandyrý uıymdary 14,2 mlrd teńge somaǵa 38 175 saqtandyrý tólemin júzege asyrǵan.
