Qazaqstanda jeńil avtokólikterdiń sany 67,9 % ósti

ASTANA. QazaAqparat - 2018 jyldyń qańtar-mamyr aılarynda Qazaqstanda 332 908 jeńil avtokólik tirkeldi. 2017 jyldyń sáıkes maýsymymen salystyrǵanda bul kórsetkish 67,9 paıyzǵa kóp, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Ústimizdegi jyldyń 1 maýsymyndaǵy jaǵdaı boıynsha Qazaqstanda tirkelgen jeńil avtokólikter sany 3828,9 myń birlikti qurady.

Atalǵan merzimde 5565 jol-kólik oqıǵalary tirkelgen. Bul ótken jylmen salystyrǵanda 3 paıyzǵa kem. Jol apattarynan zardap shekkender sany - 7800 adam.

Bıylǵy jyldyń 1 maýsymynda kólik quraldary ıeleriniń azamattyq-quqyqtyq jaýapkershiligin mindetti saqtandyrýmen aınalysatyn saqtandyrý uıymdary 10,1 mlrd teńge kóleminde 28 032 tólem jasaǵan.