Qazaqstanda jeńil avtokólikter sany 5 mln. 755,2 myń birlikti qurady
QR Ulttyq ekonomıka mınıstrligi Statıstıka komıtetiniń málimetine qaraǵanda, Qazaqstan Rýspýblıkasynda 2016 jylǵy 1 naýryzdaǵy jaǵdaı boıynsha jeńil avtokólikterdiń barlyq sany 5 755,2 myń birlikti qurady. Sonyń ishinde tirkeýden shyǵarylǵandar sany - 1 899,6 myń birlik, tirkelgender - 3 855,6 myń birlik bolyp otyr.
Keltirilgen aqparatqa qaraǵanda, 2016 jyldyń qańtar-aqpanynda Qazaqstan boıynsha 106 570 jeńil avtokólik tirkelgen. Onyń ishinde jeke tulǵalarǵa tirkelgeni 102 156, al zańdy tulǵalarmen - 4 414 birlikti qurady.
Sonymen qatar, esepti kezeńde respýblıka boıynsha eń kóp avtokólik tirkelgen Ońtústik Qazaqstan oblysy - 16 427 birlik, odan keıingi orynda Almaty qalasy - 15 196 birlik jáne Almaty oblysy - 12 631 birlikti qurap otyr. Osy kezeńde Astana qalasynda tirkelgen avtokólik sany 8 452 birlikti qurady.