Qazaqstanda jeńil atletıka sporty óship bara jatyr - Varvara Nazarova
- Varvara, jeńil atletıkaǵa qalaı keldińiz, sporttaǵy jolyńyz jaıly aıtyp ótseńiz...
- Jeńil atletıkaǵa anamnyń arqasynda keldim. Ol - sporttyń osy túrinen jattyqtyrýshy. Ata-anasy jattyqtyrýshy ózge balalar sııaqty mende de nemen aınalysam degen aıtarlyqtaı tańdaý bola qoımady. Kishkentaı kezimnen anammen birge oqý-jattyǵýlarǵa, jarystarǵa baratynmyn. Al ekinshi synyptan bastap balalarmen bir topta jattyǵa bastadym.
- Bolashaq josparyńyz qandaı? Úlken sportta qalasyz ba álde basqa ispen aınalysasyz ba?
- Ázirshe, bolashaqqa naqty josparym joq. Múmkindiginshe bárin qııýlastyryp, qarqyndy túrde jattyǵý jasaımyn, oraıy kelgende elimizde ótetin jarystarda óner kórsetýge tyrysamyn. Ekinshi jyl qatarynan Kids Athletics baǵdarlamasymen jumys istep júrmin. Biz mektepterde balalardy jattyqtyramyz. Sonymen qatar saýda-sattyq salasynda da jumys istep, nápaqa tabýǵa tyrysamyn. Óıtkeni, sporttan tapqan tabysym tolyqqandy sapaly ómir súrýge múldem jetpeıdi.
- Bul sporttaǵy eń qıyny ne?
- Sporttyń ózge túrlerinde kezdesetin qandaı da bir qıyndyqtar jeńil atletıkada bar dep aıta almas edim. Bul jerde mynadaı úsh faktor bir-birimen qabysýy qajet shyǵar: sportshy men jattyqtyrýshynyń jattyǵýǵa jáne jeńiske jetýge yntyzarlyǵy, talant ári eńbeksúıgishtik. Eger osylar bir-birimen úılesse, onda eshqandaı qıyndyq joq.
- Qandaı jetistigińizdi aıryqsha maqtan tutasyz?
- Sońǵy ýaqytta burynǵyǵa qaraǵanda ózimdi sportshy retinde kórsete bermeıtin boldym. Al naqty saýalyńyzǵa keler bolsam, ol Qazaqstan rekordtary shyǵar. Men óz rekordymdy birneshe ret jańartqan edim. Menińshe, bul - maqtanýǵa turarlyq kórsetkish.
- Jalpy elimizdegi sporttyń damýyna qandaı baǵa berer edińiz? Sportshylar memleket tarapynan qajetti qoldaý alyp otyr ma?
- Sporttyń ózge túrlerinde ne bolyp jatqanyn bilmeımin. Sondyqtan jeńil atletıka jaıynda aıtaıyn. Sońǵy 5-6 jylda damýda jaqsy nátıjeler bar. Óskemen men Astanada jańa manejder salyndy. Meniń bilýimshe, taıaý ýaqytta Almatyda da manej ashylmaq. Bir ǵana qolaısyzdyǵy, manej qalanyń shetinde ornalasqan jáne de jastardy ol jaqqa qalaı tartý kerektigi túsiniksizdeý. Dısk, naıza laqtyrýshylarǵa arnalǵan jalǵyz alań «Almaty-Arena» mańynda ornalasqan. Ol da qalanyń ortalyǵy emes. Jańa manej de qalanyń shetinde bolmaq. Bul balalar sportyn damytý úshin qolaısyzdyq keltiredi.
Sonymen qatar Qazaqstannyń jeńil atletterin halyqaralyq jarystarda qarjy jaǵynan qoldaý kórsetetin Altay Athletics club klýbyn atap ótkim keledi. Menińshe, atalǵan klýb tarapynan qoldaý bolmaǵanda múmkin men de sportpen qosh aıtysar edim. Shyǵys Qazaqstan oblysynan da zor qoldaý bar. Anam Qazaqstannyń jasóspirimderimen jáne jastarymen jumys isteıtindikten qurama komandany kıim-keshekpen qamtamasyz etý máselesi de jaqsara túskenin bilemin. Jastar túrli halyqaralyq jarystarǵa jıi shyǵa bastady. Biz jasóspirim bolǵan kezde kıim-keshek máselesinde qıyndyqtar bolatyn.
Munan bólek, ózime de qatysy bolǵan jaıtty atap ótsem deımin. Ol quramanyń aǵa jattyqtyrýshylarynyń sportshyǵa nıettestik problemasy. El quramasynyń sapyna kirý jáne halyqaralyq jarystarǵa barý úshin Qazaqstan chempıonatyn jáne el ishinde jarystardyń jeńimpazy bolý jetkiliksiz. Tek aǵa jattyqtyrýshylarmen jaqsy qarym-qatynasta bolsań bolǵany. Bul rette sportshylarǵa jáne olardyń jattyqtyrýshylaryna jeke ish tartý nemese jaqtyrmaý óz rólin atqarady. Sońǵy 10 jylda Qazaqstan ishindegi jarystardyń birde-birinde jeńilgen joqpyn. Buǵan qosa, elimizde maǵan teńeser básekeles te joq. Jeńil atletıkada naıza laqtyrýdy eshkim de damytqysy kelmeıdi. Qandaı sebebi bar ekendigi de túsiniksiz. Menińshe, sportshyǵa degen jeke jaqtyrmaýshylyq sııaqty. Mundaı kezde qandaı sporttyq nátıje jaıynda aıtýǵa bolady... Osyndaı jaıt birneshe ret boldy. Aǵa jattyqtyrýshylarǵa qatysty osyndaı narazylyq aıtyp otyrǵan birinshi sportshy emespin. Jarystarǵa qatysyp, normatıvterdi oryndaıtyn sportshylar bar. Biraq, olardy chempıonattarǵa aparmaıdy. Onyń ornyna eshteńe tapsyrmaǵan, normatıv oryndamaǵan adamdar barady. Sońǵy jyldary jeńil atletıkada osyndaı jaǵdaı oryn alyp tur.
- Qazaqstan daǵy bıznes sportshylardy qoldaýǵa qanshalyqty qyzyǵýshylyq tanyt yp otyr?
- Aıtýǵa qıyn. Fýtbol nemese ózge oıyn túrlerine bıznes qyzyǵýshlyq tanytatyn shyǵar. Meniń bilmeýim de múmkin. Biraq bıznestiń jeńil atletıkaǵa qyzyǵýshylyq tanytqanyn kórgen emespin. Sporttyń ózge túrlerimen salystyra qaraǵanda, bizdiń sport túrimiz óship bara jatyr. ıAǵnı, tanymaldyǵy jaǵynan aıtqanda.
- Sizdi elimizdegi eń sulý sportshylardyń biri de p sanaıdy. Mundaı mártebege qalaı qaraısyz? Ózińizge jurttyń mundaı nazar aýdarý y kedergi keltire me, álde kómektese me?
- Meni 2019 jyly-aq eń sulý sportshylardyń biri dep moıyndaǵan bolatyn. Bul erterekte boldy jáne mundaı mártebeniń maǵan kómegi tıdi dep aıta almaımyn. Onyń ústine oǵan esh ýaqytta muqtaj da bolǵan emespin. Ózime jiti nazar aýdarǵandy sonshalyq jaqsy kórmeımin. Tabıǵatym sondaı adammyn.
- Kelbetti sportshylardyń kópshiligin iń áleýmettik jelilerde m ıllıondaǵan jazylýshysy bar. Sondyqtan olar bloger bolyp júr. Sizdi de bloger dep aıta alamyz ba?
- Ózimdi blogermin dep aıta almaımyn. Eger Instagram paraqshamdy qarasańyzdar, mende jazba óte sırek shyǵatynyna kóz jetkizesizder. Ásirese, qazirgi ýaqytta. Óıtkeni, joǵaryda atap ótkenimdeı, ómirime bireýlerdiń nazar aýdarǵanyn jaqsy kórmeımin. Áleýmettik jeli de júrgizbeımin.
- Qazaqstannyń jeńil atletıkasynda ǵy negizgi pr oblema lardy atap bere alasyz ba?
- Búginge deıin saqtalyp otyrǵan problemalardy aıtar bolsam, eń birinshisi – bul Qazaqstanda sporttyq baza joq. Bizde jeńil atletıkadan elimizdegi jarystardyń bári ótetin bir ǵana kásibı stadıon bar. Ol Almaty qalasynda (Ortalyq stadıon) ornalasqan. Biraq, tipti onyń ózinde fýtbolshylarǵa basymdyq beriledi. Ekinshiden, naıza laqtyrý alańdary men sektorlar joq. «Almaty Arenada» bireý ǵana bar. Ortalyq stadıon janyndaǵy qosalqy alańǵa bıyl fýtbolǵa arnalǵan jasandy kógal tósep tastady. Úshinshiden, jaqyn jerde jeńil atletıkany damytýǵa arnalǵan shaǵyn stadıondar joq. Balalar úshin stadıonnyń óte jaqyn bolǵany mańyzdy. Tórtinshiden, sportshylardy álemdik deńgeıge shyǵarýǵa qaýqarly kásibı jattyqtyrýshylar tapshy. Besinshiden, jasóspirimder men jastardy laıyqty jalaqymen qoldaý qajet. Jeke ózimniń baıqaǵanym, kóptegen daryndy jas sporshylar 16-20 jasynda laıyqty jalaqynyń joqtyǵynan basqa mamandyqty tańdap jatady. Altynshydan, jeńil atletıkada aǵa jattyqtyrýshylardy jasyryn tańdaý qajet. Óıtkeni, negizinen solar kóptegen sportshynyń taǵdyryn sheship jatady.
- Suhbatyńyzǵa raqmet!
