Qazaqstanda jeńgetaılyqty kásip etken iri qylmystyq top áshkerelendi
ASTANA. QazAqparat - Kólik polıtsııasynyń qyzmetkerleri 2012 jyldan 2015 jylǵa deıingi kezeńde Astana men Shymkent aýmaqtarynda áreket etken uıymdasqan qylmystyq topty anyqtap, qolǵa túsirdi.
QR ІІM Kóliktegi ІІD baspasóz qyzmetiniń habarlaýynsha, uıymdasqan qylmystyq toptyń serkesi 36 jastaǵy Shymkent qalasynyń turǵyny bolyp shyqty. Ol Qazaqstannyń ońtústik óńirleri men men Ózbekstannan jeńil júristi qyzdardy izdep taýyp, olardy ózderi jaldaǵan páterlerge ornalastyryp, jezókshelikpen aınalysýlaryna jaǵdaı jasaǵan, olardyń qaýipsizdigin qamtamasyz etken jáne qylmystyq isteirnen túsken qarajattardy bólip otyrǵan.
UQT-qa eki negizgi qatysýshy kirgen jáne 11 basqa da kómekshileri uıymdastyrýshynyń qylmystyq áreketterin júzege asyrýǵa kómektesken.
Tergeý barysynda jezókshelerdiń biri jalǵan aty-jónimen Astananyń perınataldyq ortalyqtarynyń birinde bosanǵan. Tergeý organdary balanyń quqyǵyn, arnaıy memlekettik mekemege ornalastyrý sharalaryn qolǵa alyp, ony asyrap alýshylarǵa múmkindik jasaǵan, óıtkeni buǵan deıin sábı anasynyń tanystarynda zańsyz turǵan.
UQT uıymdastyrýshynyń jáne onyń sybaılastarynyń aıyptary tolyq dáleldendi. Ol 7 jyldan astam merzimge sottaldy.
Basqa aıypty adamdar da ártúrli merzimderge bas bostandyqtarynan aıyryldy.
Úkim zańdy kúshine endi.
