Qazaqstanda jemshóp daqyldarynyń alqaptary ulǵaıtylady - Aýyl sharýashylyǵy mınıstrligi
Bul týraly búgin vedomstvonyń selektorlyq keńesinde aýyl sharýashylyǵy vıtse-mınıstri Músilim Ómirııaev málim etti, dep habarlady www.primeminister.kz saıty.
«Memleket basshysynyń tapsyrmalaryn oryndaý aıasynda jáne jem-shóp, maıly, burshaq daqyldary egiletin alqaptardy keńeıtý maqsatynda Aýyl sharýashylyǵy mınıstrliginiń, oblys ákimdikteriniń, «QazAgro» holdınginiń jáne «Qazagroınnovatsııa» aktsıonerlik qoǵamynyń arasynda aýyl sharýashylyǵy daqyldary egiletin alqaptardy ártaraptandyrý jónindegi 2012-2016 jyldarǵa arnalǵan memorandýmdar jasaldy», dedi M.Ómirııaev.
Onyń aıtýynsha, 2013 jyly 21,3 mln ga alqapqa aýyl sharýashylyǵy daqyldaryn egý josparlanýda, bul 2012 jylǵy deńgeıden 1% az, al kóktemgi egistiktiń alqaby 18,5 mln ga quraıdy.
Al dándi daqyldar 15,9 mln ga alqapqa egiledi, onyń ishinde 13,1 mln ga jerge - bıdaı egilmek. Bıdaı alqaptaryn 329 myń ga (2,4%), kúrish alqabyn - na 6 myń ga (6,5%) qysqartý josparlanyp otyr, esesine júgeri egiletin alqaptar - 4,8 myń ga, dándi jáne dándi-burshaq daqyldar egiletin alqapty - 22 myń ga arttyrý josparlanýda. Kókónis alqaptary - 2,1 myń ga, jem-shóp alqaptary -124,1 myń ga artady.
Búgingi tańda 14 oblystyń tek tórteýi ǵana memorandýmda qarastyrylǵan aýyl sharýashylyǵy daqyldary sebiletin alqaptardyń ındıkatıvtik kórsetkishteri boıynsha 2012-2016 jyldarǵa arnalǵan strategııalyq jáne baǵdarlamalyq qujattarǵa ózgertýler engizildi.