Qazaqstanda jemqorlardyń jazasyn óteý merzimin uzartý usynylady
«Elbasy men Memleket basshysynyń tapsyrmasyna sáıkes agenttik múddeli memlekettik organdarmen birlesip, qaǵıdattyq sıpatta jańa bastamalardy kótergeli otyr. Sondaı bastamalardyń biri – jemqorlyq jasaǵan adamnyń jaýapkershiligin kúsheıtý máselesi. Biz jemqorlyqtyń aýyr jáne asa aýyr túrimen sottalǵan adamnyń jazasyn óteý merzimin uzartýdy usynamyz», - dedi Sybaılas jemqorlyqqa qarsy is-qımyl agenttiginiń ákimshilik-quqyqtyq departamentiniń dırektory Aıgúl Bazarbaeva onlaın rejımde ótken baspasóz máslıhatynda.
Departament dırektory jemqorlardyń sottalýyna baılanysty BAQ-taǵy maqalalar men jarııalanymdarǵa ylǵı monıtorıng júrgiziletinin aıtyp ótti.
«Jemqorlyq qylmysymen sottalǵan adamnyń belgili bir ýaqyttan keıin shartty túrde bostandyqqa shyǵýy – qoǵamnyń yzasyn týǵyzatynyn kórsetip otyr. Halyqtyń pikirinshe, bıýdjetten mıllıondap aqsha jymqyrǵan nemese óz laýazymyn asyra paıdalanǵan adamǵa jazasyn jeńildetý múmkindigi berilmeýi kerek. Ol tolyǵymen jaza merzimin óteýi tıis», - dedi ol.