Qazaqstanda jemqorlardyń jarııa tizilimi qashan jasalady

ASTANA. KAZINFORM – Sybaılas jemqorlardyń jarııa tizilimin engizetin qujat Parlament Májilisinde qaralyp jatyr. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev málim etti.

- Zańdy kúshine engen úkim nemese ózge de qaýly bolǵan jaǵdaıda ǵana sybaılas jemqorlyq qylmysyn jasaǵan adamdardy esepke alý josparlanǵan. Bul baǵyttaǵy tıisti qadamdar tıisti josparda eskerilgen. Sondyqtan ony zańnamamen retteý kerek. Qazir osy zań jobasy Májilistiń qaraýynda. Qujat qabyldanyp, tıisti rásimder aıaqtalǵan soń, atalǵan tizilimdi qurý bastalady, - dedi D. Quraqbaev Senatta tilshiler suraǵyna jaýap bere otyryp.

Buǵan deıin Sybaılas jemqorlardyń jarııa tizilimi engiziletinin jazǵan edik.

Tizilimde aýyr nemese asa aýyr sybaılas jemqorlyq qylmystar jasaǵany úshin sottalǵandar týraly málimetter qamtylatyn bolady. Málimetter tek zańdy kúshine engen aıyptaý úkiminiń negizinde qosylady.