Qazaqstanda jemqorlardan alǵan somasyn eselep qaıtarý jazasy alynyp tastalýy múmkin

NUR-SULTAN. QazAqparat – Sybaılas jemqorlyq arqyly para alǵandardyń somasyn eselep qaıtarý týraly bap alynyp tastalýy múmkin. Bul týraly Sybaılas jemqorlyqqa qarsy is-qımyl agenttiginiń ákimshilik-quqyqtyq departamentiniń dırektory Aıgúl Bazarbaeva onlaın brıfıngte aıtyp berdi, dep habarlaıdy QazAqparat tilshisi.

«Sybaılas jemqorlyqqa qarsy qyzmet 15 jyldan beri zańsyz baıý jaǵdaılaryna jaýapkershilik engizý kerektigin aıtyp keledi. Birqatar elderde bul talap – jemqorlyqqa qarsy negizgi ındıkatorlardyń biri sanalady. Al bizdiń elde kinásizdiktiń anyq-qanyǵyna jetýge baılanysty konstıtýtsııalyq quqyq bar. Osyny eskere otyryp, biz Parlament Májilisiniń qaraýynda jatqan zań jobasy arqyly zańsyz baıyǵan azamattarǵa azamattyq-quqyqtyq jaýapkershilikti engizýdi usynyp otyrmyz. Ol boıynsha kirisi men shyǵysynyń arasynda aıyrmashylyq bar sheneýnik belgili bir ýaqyttyń ishinde múlkiniń zańdy túrde alynǵanyn dáleldeýi kerek», - dedi Aıgúl Bazarbaeva.

Aıgúl Bazarbaeva sonymen qatar zań jobasy arqyly jemqorlarǵa alǵan somasyn eselep qaıtarý jazasy alynyp tastaý usynylyp otyrǵanyn jetkizdi. Onyń aıtýynsha jemqorlardyń aqshamen qutylýyn – qoǵam ádilettilikti satyp alýdyń bir joly dep qabyldaıdy.