Qazaqstanda jeltoqsanda 35 gradýsqa deıin aıaz bolady
ASTANA. QazAqparat - Qystyń alǵashqy kúnderi sýyq atmosferalyq aýa aǵyndarynyń aýysýyna baılanysty elimizdiń kóptegen oblysynda aýa raıy qubylmaly bolady. El aýmaǵynyń soltústiginde qar jaýyp, jel men burqasyn soqsa, ońtústik óńirde tuman túsip, kóktaıǵaq bolady, dep habarlaıdy QazAqparat «Qazgıdromet» RMK-ǵa silteme jasap.
Atmosferalyq aýa aǵyndarynan keıin sýyq antıtsıklon aýysyp, soǵan baılanysty aýa temperatýrasy tómendeıdi:
1-2 jáne 4-5 jeltoqsan aralyǵynda batysta, soltústik-batysta túnde 10-20 gradýs, kúndiz 5-10 gradýs aıaz bolady;
1-2 jáne 4-7 jeltoqsanda soltústikte, ortalyqta jáne aıdyń basynda eldiń shyǵysynda túnde 15-25 gradýs, keı jerlerde 30 gradýsqa deıin, kúndiz 10-18 gradýs aıaz bolýy yqtımal;
1-3 jeltoqsanda ońtústik, ońtústik-shyǵysta túnde 8-18 gradýs, kúndiz 2-10 gradýs aıaz;
1-2 jeltoqsanda ońtústik-batysta túnde 2-10 gradýs aıaz bolsa, kúndiz 2-5 gradýs jyly bolýy múmkin.
Keıin endik aǵyndardyń basymdyǵyna baılanysty aýa temperatýrasy kóteriledi:
Soltústik óńirde túnde 5-15 gradýs, kúndiz 0-5 gradýs aıaz bolady.
Ońtústikte túnde 0-5 gradýs aıaz, kúndiz 2-3 gradýs jyly bolýy yqtımal.
Respýblıka turǵyndaryn Táýelsizdik kúni merekeseinde jáne aıdyń aıaǵynda sýyq aýa raıy kútip tur. Termometr baǵany soltústikte 25-35 gradýs aıazdy, ońtústikte 15-25 gradýs aıazdy kórsetedi.
