Qazaqstanda jel soǵady, burshaq pen jańbyr jaýady jáne naızaǵaı jarqyldaıdy dep kútilýde - sınoptıkter boljamy
ASTANA. 25 shilde. QazAqparat - «Qazgıdromet» RMK málimetteri boıynsha, erteń, 26 shildede Qazaqstan aýmaǵynyń basym bóliginde aýa raıynyń turaqsyzdyǵy saqtalady, keı jerlerde naızaǵaı jarqyldap, jańbyr jaýady, uıytqyǵan jel soǵady, keı jerlerde burshaq jaýýy múmkin.
Aýa raıy boljamy QR TJM resmı saıtynda jarııalanǵan.
Aqmola, Mańǵystaý, Batys Qazaqstan, Qostanaı, Shyǵys Qazaqstan, kúndiz Atyraý oblystarynda keı jerlerde jel 15-20 m/s-qa kúsheıedi dep kútilýde, Atyraý oblysynda shań kóterilip, daýyl turady.
Kúndiz Shyǵys Qazaqstan oblysynda burshaq jaýýy múmkin.
Soltústik Qazaqstan oblysynda túnde jáne tańerteń keı jerlerde tuman túsedi dep kútilýde.
Almaty, Jambyl, Qyzylorda oblystarynda, keı jerlerde Ońtústik Qazaqstan, Aqtóbe, Qaraǵandy oblystarynda kúndiz qatty ystyq bolady dep kútilýde.
Respýblıkanyń soltústik-batysynda, batysynda, ońtústiginde, ortalyǵynda, ońtústik-shyǵysynda keı jerlerde tótenshe joǵary órt qaýpi saqtalady.
