Qazaqstanda jel kúsheıip, tuman túsedi, jańbyr jaýady jáne shańdy daýyl kóteriledi
ASTANA. QazAqparat - Qazaqstan aýmaǵynyń basym bóliginde atmosferalyq frontaldyq aǵyndardyń ótýimen keı jerlerde jaýyn-shashyn (kóbine jańbyr) jaýady, jel kúsheıedi, tuman túsedi, respýblıkanyń batysy men ońtústik-batysynda ǵana kún raıy ashyq bolady.
Qazgıdromettiń habarlaýynsha, Mańǵystaý, Pavlodar oblystarynyń keı jerlerinde jeldiń ekpini 15-20 m/s-qa deıin kúsheıedi.
Soltústik Qazaqstan oblysynyń keı jerlerinde tuman túsedi, jel 15-20 m/s-qa deıin kúsheıedi.
Kúndiz Qyzylorda oblysynda keı jerlerde jel 15-20 m/s-qa deıin kúsheıip, shańdy daýyl kóteriledi.
Ońtústik Qazaqstan oblysynda túnde keı jerlerde tuman túsedi, kúndiz keı jerlerde jel 15-20 m/s-qa deıin kúsheıedi.
Jambyl oblysynda keı jerlerde tuman túsedi.
Almaty, Atyraý, Qaraǵandy, Shyǵys Qazaqstan oblystarynda túnde jáne tańerteń keı jerlerde tuman túsedi.
Sınoptıkterdiń eskertýinshe, 15-16 qazan kúnderi Jambyl, Almaty oblystarynda keı jerlerde jaýyn-shashyn túsedi, túnde 15 qazanda taýly aýdandarda jaýyn-shashyn kúsheıe túsedi, jańbyrdyń sońǵy jylbysqy qarǵa aınalady. Aýanyń temperatýrasy túnde 2-7 gradýs jylylyqqa deıin tómendeıdi, keı jerlerde 3 gradýsqa deıin sýytady, kúndiz 8-13, keı jerlerde 16 gradýsqa deıin jyly.
Sonymen birge taıaýdaǵy táýlikterde Qazaqstannyń ońtústigi men ońtústik-shyǵysyndaǵy keıbir ózenderde Batys Altaıdyń ózenderinde (Buqtyrma, Turǵysyn, Ob, Úlbi jáne basqalary) jaýyn-shashynǵa baılanysty sý deńgeıi kóteriledi, Qazaqstannyń sý nysandarynda birte-birte sý beti salqyndaı túsedi.
