Qazaqstanda jekemenshik túrme bolmaıdy
ASTANA. QazAqparat - Qazaqstanda jekemenshik túrme bolmaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR ІІM Qylmystyq atqarý júıesi komıteti tóraǵasynyń orynbasary Janat Keshýbaev málim etti.
«Bizde jekemenshik túrme bolmaıdy. Biz memlekettik-jeke seriktestik aıasynda túrme salýdy josparlaýdamyz. ıAǵnı, jeke ınvestorlar qurylysqa ınvestıtsııa salady. Al ishinde biz, memlekettik qurylymdar jumys isteıdi. Óıtkeni, jazanyń oryndalýy - bul memlekettik jaýapkershilik», - dedi J.Keshýbaev.
Onyń atap ótýinshe, qazirgi tańda Qaraǵandyda memlekettik-jeke seriktestik aıasynda túrme salý kózdelgen. Atalǵan nysannyń tehnıkalyq-ekonomıkalyq negizdemesi daıyn bolyp qaldy. Endi memlekettik saraptamasyn ótý qajet.
«Biz shamamen 2015-2016 jyldary konkýrstyq qujattamasyn ázirleýdi josparlap otyrmyz. Odan keıin Úkimet kontsessıonerlerge konkýrs ótkizedi. Bul halyqaralyq konkýrs bolmaq. Oǵan sheteldik ınvestorlar da qatysa alady», - dedi ol.
