Qazaqstanda jeke sot oryndaýshylarynyń reıtıngi jasalady

NUR-SULTAN. QazAqparat – QR Ádilet mıınstrligi Qazaqstannyń jeke sot oryndaýshylarynyń reıtingin iske qosty, dep habarlaıdy QazAqparat mınıstrliktiń baspasóz qyzmetine silteme jasap.

Bul reıtıng óndirip alýshylarǵa eń tájirıbeli jáne bilikti jeke sot oryndaýshysyn tańdaýǵa múmkindik beredi. Ol úshin mınıstrliktiń resmı saıtyndaǵy arnaıy bólimge ótý qajet.

«Reıtıngte qabyldanyp jatqan sharalardyń tolyqtyǵy men ýaqytynda oryndalýy, jumys tájirıbesi, madaqtaýlary men jazalarynyń sany, sertıfıkattalǵan kómekshilerdiń sany jáne t.b. baǵalaý krıterııleri kórsetilgen. Óndirip alýshy laıyqty jeke sot oryndaýshysyn tańdap alǵan soń, oǵan ótinim jazyp, májbúrlep oryndatý úshin qylmystyq is júrgizý qujatty kórsetýi qajet», - delingen resmı habarlamada.

Atqarý qujaty boryshker jeke tulǵanyń tirkelgen jeri nemese onyń turaqty mekenjaıy boıynsha nemese jumys orny boıynsha, sondaı-aq onyń múlkiniń tirkelgen jeri nemese ornalasqan jeri boıynsha usynylady.