Qazaqstanda jeke sot oryndaýshylary úsh ese kóbeıdi
Bul týraly búgin QR Ádilet mınıstrliginde ótken jeke sot oryndaýshylarynyń Quryltaı jıynynda Sot aktilerin oryndaý departamentiniń dırektory Janat Eshmaǵambetov aıtty.
«Byltyrǵy qańtar aıynda qabyldanǵan «Qazaqstan Respýblıkasynyń keıbir zańnamalyq aktilerine jaqsartý máseleleri boıynsha ózgerister men tolyqtyrýlar engizý týraly» Zańyna sáıkes keıbir tulǵalarǵa lıtsenzııa berý tártibi ońtaılandyrylyp, elektrondy lıtsenzııalaý engizildi. Sondaı-aq, osy jáne basqa da máseleler «Qazaqstan Respýblıkasynda kásipkerlik qyzmetti túbegeıli ózgertý sharalary týraly» Zańy boıynsha da ońtaılandyrylady», - dep atap ótti ol.
J. Eshmaǵambetovtiń aıtýynsha, joǵaryda aıtylǵan sharalardyń nátıjesinde jeke sot oryndaýshylardyń sany 618-ge deıin jetip, 2013 jylmen salystyrǵanda 3 ese kóbeıgen.
«Odan ári olardyń sanyn kem degende 1200-ge jetkizý josparlanýda, ıaǵnı memlekettik sot oryndaýshylardyń sanyna jetkizý qajet», - deıdi departament basshysy.
Aıta keteıik, Quryltaı jıynǵa elimizdiń barlyq óńirlerinen kelgen jeke sot oryndaýshylary, sondaı-aq, QR ÁM ókilderi, QR Parlamentiniń depýtattary qatysýda.
