Qazaqstanda jeke qorǵanys quraldary qanshalyqty jetkilikti
«Qazir bárine jeke qaýipsizdik quraldary jetkilikti me, joq pa – aıtý qıyn. Defıtsıt qashan da baıqalady. Ásirese maska boıynsha... Alaıda qazirgi ýaqytta otandyq kásiporyndardan aqýymdy kólemde olar satylyp alynyp jatyr. Otandyq óndirýshiler qazirgi kúrdeli ahýalǵa baılanysty óndiristik qýattylyǵyn arttyryp keledi. Oǵan qosa jeke qaýipsizdik quraldary, maskalar Qytaıdan kóptep satyp alynyp, elge jetkizilýde. Ótkir defıtsıt bar dep aıtýǵa kelmeıdi. Áıtse de árıne qajettilik bar», - Arnur Nurtaev Densaýlyq saqtaý mınıstrliginiń Facebook paraqshasynda sóılegen sózinde .
Onyń aıtýynsha medıtsınalyq uıymdar qazir naryqtaǵy kózderden, ózge óndirýshilerden satyp alyp, qajettiligin jaýyp otyr. Al otandyq kásiporyndar qajettilikti jabý úshin táýligine úsh aýysym boıy jumys isteýde. Arnur Nurtaev medıtsınalyq uıymdar boıynsha jeke qaýipsizdik quraldary qandaı mehanızmmen bólinip, taratylatynyn da jetkizdi.
«Árbir medıtsınalyq uıymnyń beretin óz tapsyrysy bar. Bul ótinimderdi Biryńǵaı dıstrıbıýtor maquldaıdy. Bári ortalyqtandyrylǵan tártipte júrgiziledi. Eger Biryńǵavı dıstrıbıýtor qajetti kólemdi ýaqytynda jetkize almasa medıtsınalyq uıymdar ony naryqtan ózderi satyp ala bastaıdy. Báribir de ımporttyń baryn atap ótý kerek», - dedi ol.
Arnur Nurtaevtyń aıtýynsha, eger kúzde koronavırýs epıdemııasy qaıtadan órship ketse otandyq óndirýshilerdiń bári jeke qaýipsizdik quraldaryn barynsha óndirý boıynsha baǵdarlamany ázirleıdi.