Qazaqstanda jeke avtokólikpen qalalar arasynda saparlaýǵa ruqsat etiledi
NUR-SULTAN. QazAqparat – Kóliktegi memlekettik bas sanıtarlyq dáriger Sádýaqas Baıǵabylov blokpostar alynǵannan keıin, turǵyndar jeke avtokóligimen emin-erkin saparlaı alatynyn jetkizdi, dep habarlaıdy QazAqparat tilshisi.
«Maýsym aıynyń basynan blokpostar alynady. Sáıkesinshe, óńirler men oblys ortalyqtary arasynda avtokólik qatynastary jandanady. Osy oraıda turǵyndar temirjol nemese avtobýs kóligimen qatar, jeke kóligimen de saparlaı alady», - dedi S. Baıǵabylov Ortalyq kommýnıkatsııalar qyzmetindegi baspasóz máslıhatynda.
Budan buryn habarlanǵandaı, Vedomstvoaralyq komıssııanyń 1 maýsymnan qalalar arasynda blokposttardy alyp tastaý sheshimine sáıkes, 5 maýsymnan tasymaldaý sharalaryn jandandyrý boıynsha jumystar iske asyrylady.
