Qazaqstanda jedel járdemniń jańa eki deńgeıli ıntegratsııalanǵan qyzmeti engiziledi

ASTANA. QazAqparat - Búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy barysynda QR densaýlyq saqtaý jáne áleýmettik damý mınıstri Tamara Dúısenova jańa jedel jáne shuǵyl járdem júıesiniń erekshelikterin baıandady, dep habarlaıdy primeminister.kz.

Mınıstrdiń aıtýynsha, densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasy aıasynda jedel jáne shuǵyl járdem kórsetýdiń jańa eki deńgeıli ıntegratsııalanǵan qyzmeti engiziledi: Respýblıkalyq sanıtarlyq avıatsııa ortalyǵynyń bazasynda jedel medıtsınalyq járdem kórsetýdiń ulttyq úılestirýshi ortalyǵy jáne oblystyq jedel járdem qyzmeti.

Sonymen qatar, oblys deńgeıinde jedel járdem qyzmeti qalalyq, aýdandyq jáne aýyldyq qyzmetti bir medıtsınalyq uıymǵa biriktiredi jáne medıtsınalyq qyzmet ortaq GPS júıesin engizý bazasynda biryńǵaı «Sall center» arqyly uıymdastyrylady. Bul óz kezeginde kelip túsken habarlardyń jyldamdyǵyn arttyryp, patsıentterdi tasymaldaý baǵdaryn ońtaılandyrýǵa múmkindik beredi.