Qazaqstanda jedel járdemdi shaqyrý kórsetkishi 38 paıyzǵa azaıdy
Densaýlyq saqtaý mınıstrliginen habarlaǵandaı, Qazaqstanda koronavırýsty juqtyrýdyń táýliktik kórsetkishi 4 paıyzdan 1,7 paıyzǵa tómendedi. Statsıonarlardyń tolymdylyǵy 46 paıyzǵa azaıdy. El boıynsha jedel járdemdi shaqyrý deńgeıi 38 paıyzǵa qysqarǵan.
Eske sala ketsek búgin QR Premer-Mınıstri Asqar Mamın eldegi epıdemıologııalyq jaǵdaı men koronavırýs ınfektsııasyna qarsy kúres sharalary týraly Úkimet otyrysyn ótkizgen bolatyn.
«Eldegi epıdemıologııalyq jaǵdaıdy odan ári jaqsartýymyz qajet. Búgin Densaýlyq saqtaý mınıstrligi karantındik sharalardy birtindep alý josparyn usynyp otyr. Qazirgi jaǵdaı men osy aıdyń qorytyndysyn eskere otyryp, Memlekettik komıssııanyń otyrysynda bul Jospar qarastyrylyp, tıisti sheshim qabyldanady», - dedi Asqar Mamın.