Qazaqstanda jedel ishek ınfektsııalarynyń profılaktıkasy boıynsha onkúndik bastaldy
Atalǵan onkúndiktiń maqsaty - ótkir ishek ınfektsııasynyń taralý joldary, ınfektsııa juǵýynyń aldyn alý jónindegi sharalar, jeke jáne qoǵamdyq gıgıenany saqtaý, balalar men jasóspirimderdi jeke gıgıenany saqtaýǵa daǵdylandyrý, azamattardyń densaýlyq saqtaý jáne nyǵaıtýda jaýapkershiligin arttyrý jóninde halyqtyń habardarlyǵyn arttyrý.
Onkúndik aıasynda medıtsınalyq-sanıtarııalyq alǵashqy kómek uıymdarynda (ári qaraı - MSAK) ótkir ishek ınfektsııalarynyń aldyn alý jóninde gastroenterologtardyń, ınfektsıonısterdiń, pedıatrlardyń, jalpy praktıka dárigerleriniń jáne t.b. mamandardyń keńes beretin ashyq esik kúnderi uıymdastyrylady. Sonymen qatar, MSAK mamandarynyń arasynda ótkir ishek ınfektsııalarynyń alǵashqy belgileri men oǵan kórsetiletin medıtsınalyq kómek týraly gastroenterologtyń qatysýymen semınar-trenıngter; mektep janyndaǵy, jazǵy saýyqtyrý lagerlerinde, balalar úılerinde, mektepke deıingi uıymdarda «Ótkir ishek ınfektsııasynan qorǵanamyz!», «Jeke gıgıena ótkir ishek ınfektsııasynan qorǵaný quraly!» taqyrybyndaǵy oıyndar, «Taza qoldar» flesh-mobtary jáne t.b. sharalar ótkiziledi.
Ótkir ishek ınfektsııalary - asqazan-ishek joldaryn ýlap, zaqym keltiretin, ish ótý jáne ýlaný belgileri baıqalatyn aýrýlar toby. Aýrýdy bakterııalar, vırýstar men qarapaıym mıkroorganızmder qozdyrýy múmkin.
Antısanıtarııalyq jaǵdaılar, jeke gıgıena erejelerin saqtamaý, durys saqtalmaǵan nemese daıarlanbaǵan zararly azyq-túlikti tutyný ishek ınfektsııalarynyń juǵýyna áser etedi.
Adamdar ótkir ishek ınfektsııalaryna tez shaldyǵady, ásirese, sábıler.
QR DSÁDM Salaýatty ómir saltyn qalyptastyrý ulttyq ortalyǵynyń qaýipsiz tamaqtanýdyń mańyzdy 5 qaǵıdasyn usynady: tazalyqty saqtaý; shıki azyq-túlikti jylýmen óńdeletin azyq-túlikten bólek ustaý; olardy jylýmen muqııat óńdeý; azyq-túlikti qaýipsiz temperatýrada saqtaý; qaýipsiz sý men qaýipsiz shıki ónimderdi qoldaný.