Qazaqstanda jazdyq masaqty egin 450 myńǵa jýyq gektarǵa egildi
ASTANA. 6 mamyr. QazAqparat - 3 mamyrdaǵy málimetter boıynsha, elimizde kóktemgi egis jumystary aıasynda 449,7 myń gektar aýmaqqa masaqty bıdaı, júgeri 22 myń, al maıly daqyldar 260 myń gektardan astam aýmaqqa egildi.
Bul týraly Aýyl sharýashylyǵy mınıstrliginiń málimetterinde jarııalandy.
Aqparatqa qaraǵanda, elimizdiń dıqandary masaqty jazdyq bıdaıǵa qatysty egin naýqanynyń josparyn 19 paıyzǵa oryndaǵan. Degenmen, egis jumystary byltyrǵy kórsetkishterge qaraǵanda sál baıaýlaǵandy kórsetedi. Toqtala ketetin jaıt, byltyr osy ýaqytta egin egý jumystary shamamen 24 paıyzǵa oryndalǵan edi.
Al maıly daqyldardyń egisimen respýblıkanyń 8 óńirindegi dıqandar qyzý jumysqa aralasyp, olar jospardy 25,3 paıyzǵa oryndaǵan. Dıqandar qazirgi tańda 261,5 myń gektar aýmaqqa daqyl egipti. Kartop, kókónis jáne baqsha daqyldaryn egýdiń aýqymy 36 jáne 37 myń gektardy quraıdy. Bulardan bólek, elimizde kúrish 8,7 myń gektarǵa, qant qyzylshasy 2,8 myń gektarǵa egilgen. Al kópjyldyq ósimdikterdiń egisi 92,6 myń gektardy qurap otyr.
