Qazaqstanda jazataıym oqıǵalardan, jaraqat alý men ýlanýdan bolatyn ólim-jitim úshinshi orynda - S. Qaıyrbekova
ASTANA. 12 qarasha. QazAqparat - Elimizde jazataıym oqıǵalardan, jaraqat alý men ýlanýdan bolatyn ólim-jitim úshinshi orynda tur. Bul týraly búgin Úkimet otyrysynda QR Densaýlyq saqtaý mınıstri Salıdat Qaıyrbekova málim etti.
Mınıstrdiń sózine qaraǵanda, osy sebepterden bolatyn ólim-jitimniń joǵary kórsetkishi Jambyl, Almaty, Ońtústik Qazaqstan, Atyraý, Mańǵystaý, Aqtóbe jáne Qaraǵandy oblystarynda baıqalýda. «Dúnıejúzilik densaýlyq saqtaý uıymynyń málimeti boıynsha jol-kólik oqıǵalarynan jaraqat alý saldarynan mert bolǵan ár adamǵa aýrýhana jatqyzylǵan 23 adamnan jáne medıtsınalyq kómek suraǵan 112 adamnan keledi. JKO-dan zardap shekkenderdiń 3 paıyzy ómir boıy múgedek bolyp qalady», - dep atap ótti mınıstr.
