Qazaqstanda jaýyn-shashyndy aýa raıy saqtalady
ASTANA. QazAqparat - 2018 jylǵy 2-4 tamyz kúnderi Qazaqstannyń óńirlerinde jaýyn-shashyndy aýa raıy saqtalady, dep habarlaıdy QazAqparat «Qazgıdromet» RMK-ǵa silteme jasap.
Respýblıka aýmaǵyna Kar teńizinen aýysyp kelgen tsıklon Qazaqstan oblystarynyń basym kópshiliginiń aýa raıyna yqpalyn tıgizedi. Osyǵan baılanysty aldaǵy úsh táýlik boıy naızaǵaı aralas jańbyr jaýady, daýyldy jel soǵyp, burshaq jaýýy yqtımal. Túngi ýaqytta termometr baǵany soltústik bólikte 7-15 gradýsty kórsetedi, al ońtústik aımaqtarda 15-23 gradýs jyly bolady.
