Qazaqstanda jaýyn-shashyndy aýa raıy demalys kúnderi de saqtalady
ASTANA. QazAqparat - Sınoptıkter 30 maýsymnan 2 shildege deıingi aýa raıy boljamyn aıtty, dep habarlaıdy QazAqparat.
«Qazaqstannyń batys oblystarynda ornyqqan antıtsıklon jáne onymen qalyptasqan jaýyn-shashynsyz ystyq aýa raıy saqtalady. Munda kúndiz aýa temperatýrasy burynǵysha 35...43°S aınalasynda bolady. Al Soltústik Qazaqstan aspanyndaǵy bıiktik tsıklon shyǵysqa qaraı yǵysýda. Sol sebepti aldaǵy úsh kúnde bul óńirde nóserli jaýyn-shashyndar kútilmeıdi. Biraq qysqa merzimdi jańbyrlar, naızaǵaı men ekpindi jelder soltústik óńirlerde ǵana emes, sondaı-aq shyǵysta, ońtústik-shyǵys pen respýblıkanyń ortalyǵynda saqtalady», - delingen Qazgıdromettiń habarlamasynda.
