Qazaqstanda jaýyn-shashyn, tuman, jeldiń kúsheıýi kútiledi - 8 jeltoqsanǵa arnalǵan aýa raıy boljamy
ASTANA. 7 jeltoqsan. QazAqparat - Qazaqstan aýmaǵynyń kóptegen bóliginde atmosferalyq aǵymdardyń ótýimen birge 8 jeltoqsanda birqatar aımaqtarda jaýyn-shashyn, tuman, jeldiń kúsheıýi kútilýde, dep habarlaıdy Qazgıdrometke silteme jasaǵan TJM-niń baspasóz qyzmetinen.
Respýblıkanyń soltústik, shyǵysy men ońtústik-shyǵysynda jaýyn-shashynsyz aýa raıy shamalanýda.
Atyraý, Batys Qazaqstan, Aqtóbe, Soltústik Qazaqstan oblystarynda, túnde Aqmola jáne Qaraǵandy oblystarynda tuman túsýi yqtımal, Batys Qazaqstan oblysynyń keıbir jerlerinde kóktaıǵaq kútiledi.
Jambyl, Ońtústik Qazaqstan, Mańǵystaý oblystarynda keıbir jerlerde tumannyń túsýi, jeldiń 15-20 m/s jyldamdyqpen soǵýy kútiledi.
Shyǵys Qazaqstan oblysynda, kúndiz Qostanaı oblysynyń keıbir jerlerinde jeldiń 15-20 m/s jyldamdyqpen soǵýy yqtımal.
Qostanaı oblysynyń birqatar aımaqtarynda túnde tuman túsip, kúndiz burqasyn bolady.
Almaty oblysynyń Jalańashkól aýdanynda 18-23 m/s jyldamdyqpen soǵatyn jel saqtalady.
Aldaǵy úsh táýlikte Qazaqstannyń soltústik, ortalyq, shyǵysynda jáne Almaty oblysynyń jekelegen ózenderinde muz qatý jalǵasady.
Shyǵys Qazaqstan oblysynyń ózenderinde (Ertis, Buqtyrma, Úlbi, t.b.) muz qatýdyń kúsheıýine baılanysty sý deńgeıi kóterilýi múmkin. Almaty oblysynyń jekelegen ózenderinde sý deńgeıiniń aýytqýlary baıqalady.
