Qazaqstanda jaýyn-shashyn toqtap, kún jylynady - sınoptıkter
ASTANA. QazAqparat - Qazaqstanda 15-17 naýryz kúnderi jaýyn-shashyn toqtap, kún jylyna bastaıdy, dep habarlaıdy QazAqparat «Qazgıdromet» RMK-ǵa silteme jasap.
«Qaraǵandy oblysyndaǵy bıiktik tsıklony men oǵan baılanysty aýa aǵyndarynyń sebebinen ortalyq, soltústik jáne shyǵys oblystarda qar, ońtústikte qar aralas jańbyr jaýady. Biraq respýblıkanyń batys oblystaryndaǵy sýyq antıtsıklon jyljyp, onyń ornyna birte-birte tsıklon ornyǵa bastaıdy», - delingen habarlamada.
Soltústik oblystarda 16-17 naýryz kúnderi, al ońtústikte 17 naýryzda jaýyn-shashyn toqtaıdy, respýblıka shyǵysy men ońtústik-shyǵysynda jaýyn-shashyn úsh kún boıy jalǵasady. Batys óńirlerde antıtsıklonnyń shyǵysqa qaraı jyljýynan kún jylynyp, jaýyn-shashyn bolady. Ótken táýlikterde túngi aýa temperatýrasy mınýs 20...28° tóńireginde bolsa, 16 naýryzda mınýs 5-10 gradýsqa deıin kóterile túsedi, al keıbir jerlerde tipti 0°S ta bolady.
