Qazaqstanda jaýyn-shashyn, qarly burqasyn aralas jel, tuman, kóktaıǵaq bolady dep kútilýde - 14 naýryzǵa arnalǵan aýa-raıy boljamy
ASTANA. 13 naýryz. QazAqparat - Erteń Qazaqstannyń barlyq aýmaǵy atmosferalyq aǵymdardyń yqpalynda bolady, soǵan baılanysty aýa raıy turaqsyz bolady, keı jerlerde jaýyn-shashyn jaýyp, eldiń soltústigi men ońtústik óńirdiń taýly aýdandarynda nóserli jańbyr jaýady, qarly burqasynmen jel soǵyp, tuman, kóktaıǵaq bolady. Bul týraly Qazgıdrometke silteme jasaı otyryp TJM-niń baspasóz qyzmetinen habarlandy.
Aqmola, Qaraǵandy oblystarynda keı jerlerde tuman túsedi dep kútilýde, kóktaıǵaq ornap, kúndiz jeldiń ekpini 15-20 m/s-qa jetedi.
Qostanaı, Soltústik Qazaqstan oblystarynda keı jerlerde qarly burqasyn bolady, tuman túsip, kóktaıǵaq ornaıdy, 15-20 m/s jyldamdyqpen jel soǵady.
Qyzylorda, Shyǵys Qazaqstan oblystarynda keı jerlerde jel 15-20 m/s-qa deıin kúsheıedi. Jambyl, Batys Qazaqstan, Mańǵystaý, Atyraý, Aqtóbe oblystarynda keı jerlerde tuman túsedi dep kútilýde, Aqtóbe oblysynda keı jerlerde kóktaıǵaq ornaıdy.
Almaty oblysynda Jalańashkól aýmaǵynda jeldiń ekpini 15-20 m/s-qa deıin kúsheıedi, túnde keı jerlerde tuman túsedi. Ońtústik Qazaqstan oblysynda kúndiz naızaǵaı oınaıdy.
Aldaǵy táýlikte Ońtústik Qazaqstan, Jambyl jáne Almaty oblystarynyń jekelegen taý etegindegi ózenderinde jaýyn-shashynǵa baılanysty sý deńgeıiniń kóterilýi baıqalady.
Batys Qazaqstan, Atyraý jáne Aqtóbe oblystarynyń jekelegen ózenderinde sýdyń deńgeıi artýy yqtımal.
