Qazaqstanda jaýyn-shashyn bolyp, jel kúsheıedi - 1 naýryzǵa arnalǵan aýa raıy boljamy
ASTANA. 28 aqpan. QazAqparat - Qazaqstan aýmaǵynyń kóptegen bóliginde 1 naýryz kúni aýa raıynyń turaqsyz sıpaty kútiledi, onymen birge jaýyn-shashyn jaýyp, burqasyndy jel kúsheıe túsedi.
Respýblıkanyń tek ońtústik, ońtústik-shyǵysynda ǵana jaýyn-shashynsyz kún raıy kútiledi, keıbir jerlerde tuman túsip, jel kúsheıedi, dep habarlaıdy Qazgıdrometke silteme jasaǵan TJM-niń baspasóz qyzmetinen.
Aqmola, Soltústik Qazaqstan, Aqtóbe, Qostanaı, Qaraǵandy oblystarynla, kúndiz Batys Qazaqstan jáne Atyraý oblystarynyń keıbir jerlerinde burqasyndy jeldiń ekpini 15-22 m/s-qa deıin kúsheıýi yqtımal, Aqmola oblysynda túnde jel ekpini 25 m/s-qa deıin jetedi.
Pavlodar, Shyǵys Qazaqstan oblystarynda túnde jeldiń jyldamdyǵy 15-20 m/s-qa deıin jetedi, jel ekpini 23-28 m/s bolady, kúndiz keıbir jerlerde 15-20 m/s jyldamdyqpen jel soǵyp, burqasyn kóteriledi.
Almaty, Jambyl, Ońtústik Qazaqstan oblystarynda keıbir jerlerde tuman túsedi, Jambyl oblysynyń keıbir jerlerinde jeldiń 15-20 m/s jyldamdyqpen soǵýy kútiledi.
Jaqyn táýlikterde respýblıkanyń ońtústik jáne ońtústik-shyǵysynyń jekelegen ózenderinde muz qubylystarynyń odan ári álsireýi, sý deńgeıleriniń aýytqýy kútiledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeıdi.
