Qazaqstanda jatyr moıny obyryna qarsy vaktsınatsııalaý sharasy júrgizilmek
«Biz atalǵan vaktsınany qoldanýdyń halyqaralyq tájirıbesin talqylap, jatyr moıny obyryn zertteý boıynsha ótkizgen skrınıngimizdiń nátıjeleri jaıynda sóz qozǵamaqpyz. Bul vaktsınany 2021 jylǵy Ulttyq vaktsına kúntizbesine qosýdy josparlap otyrmyz. Ol ata-analary tarapynan tolyq kelisim bolǵan jaǵdaıda qyz balalarǵa erikti túrde egiletin bolady», - dedi kezdesýdi ashqan vıtse-mınıstr.
Talqylaýǵa qatysqan QR UǴA korrespondent múshesi, medıtsına ǵylymdarynyń doktory, professor Vıacheslav Lokshınniń dereginshe, búginde álemde jyl saıyn shamamen 600 myń jatyr moıny obyry tirkelip jatady. Ol obyr jaǵdaılarynyń arasynda tórtinshi orynda tur. Sonymen qatar, jyl saıyn dál osy jaman aýrýdan álemde 300 myń áıel kóz jumady.
«Qazirgi ýaqytta jatyr moıny obyryn tómendetýdiń oń ońtaıly joly - bul vaktsına salý, skrınıng ádistemen erte dıagnostıkalaý. Vaktsına bizge ne beredi? Ol qyz balalardyń 90 paıyzynda jatyr moıny obyrynyń damýyn boldyrmaýǵa yqpalyn tıgizedi. Buǵan qosa, biz kelesi ǵasyrda jatyr moıny obyry ajalynan 62 mln taǵdyrdy arashalap qalamyz», - dedi ǵalym.
Al «Qazaq onkologııa jáne radıologııa ǵylymı-zertteý ınstıtýty» AQ basqarma tóraǵasy, medıtsına ǵylymdarynyń doktory Dılıara Qaıdarovanyń aıtýynsha, Qazaqstan jatyr moıny obyryna shaldyǵý kórsetkishi joǵary elderdiń tizimine kiredi. Elimizdegi bul kórsetkish 18,7 paıyzdy qurap otyr.
«Sońǵy 15 jylda jatyr moıny obyryna shaldyǵý dereginiń artqany baıqalǵanymen aýrýdyń bul túrinen ólim-jitim tómendegen. 10 jylda Qazaqstanda jatyr moıny obyryna skrınıng júrgizilip keledi jáne obyrdyń alǵashqy satysyn anyqtaý 62 paıyzǵa deıin jetti. 2008 jyldan beri skrınıng ótkizip kelemiz. Búginde áıelder kez kelgen jasynda test tapsyra alady. Qazaqstanda jyl saıyn 600-den astam áıel jatyr moıny obyrynan kóz jumady. ıAǵnı, kún saıyn 2 áıel qaıtys bolady degen sóz. Sondyqtan qazirgi ýaqytta júrgizilip jatqan baǵdarlama osynaý qaterli aýrdyń aldyn alýǵa septigin tıgizedi»,- dedi Dılıara Qaıdarova.