Qazaqstanda jasyrynyp júrgen 112 sheteldik qylmysker ustaldy
Іshki ister mınıstrliginiń aqparat alańynda osyndaı málimet aıtyldy.
«Іshki ister mınıstrligi úkimettik emes uıymdarmen birlesip, ótken jyldyń qazan aıynan beri azamattyǵy belgisiz adamdardy anyqtaý jáne qujattandyrý boıynsha jumystar júrgizýde. Osyndaı aktsııa barysynda 4636 qujatsyz adam anyqtaldy. Qazirgi ýaqytta polıtsııa qyzmetkerleri 3 408 adamnyń qujattaryn qalpyna keltirip, 1 278 adamǵa qatysty azamattyq rastaý rásimin aıaqtap jatyr. Aıta keterlik jaıt, jyl basynan beri adam saýdasymen baılanysty 103 qylmys tirkeldi», - dedi vedomstvonyń baspasóz ókili Shuǵyla Turlybek.
Onyń málimetinshe, atalǵan 103 qylmystyń 61-i óndirispen aıaqtalyp, sotqa joldanǵan.
«Qazirgi ýaqytta sottar 9 adamǵa qatysty aıyptaý úkimin shyǵardy. Taǵy 42 is tergeý satysynda, 9 adam túrli merzimge sottaldy. Eńbek jáne jynystyq quldyqtan 19 adam qutqaryldy. Budan basqa «Mıgrant» jáne «Zańsyz ımmıgrant-2» jedel is-sharasy barysynda 14,5 myńnan astam kóshi-qon zańnamasyn buzý jaǵdaıy anyqtaldy», - dedi Shuǵyla Turlybek.
Mınıstrliktiń deregi boıynsha kúzden beri sheteldikterdiń eńbegin zańsyz paıdalanýdyń 3 666 faktisi tirkelgen.
«Qazaqstannyń kóshi-qon zańnamasyn buzǵan 987 sheteldik elden shyǵaryldy. Ózderinde júrgen sheteldikter týraly polıtsııaǵa habarlamaǵan 823 jumys berýshi men 5 966 azamat jaýapkershilikke tartyldy. Polıtsııa operatsııa kezinde izdeýde júrgen 112 qylmyskerdi ustady jáne zańsyz kóshi-qon uıymdastyrýdyń 33 faktisin anyqtady», - dedi ІMM baspasóz ókili.