Qazaqstanda «Jasyl» JOO qurylady
ASTANA. QazAqparat - Búgin «Jasyl kópir» - «Jasyl» tehnologııalarǵa, ınnovatsııalar men qoljetimdi energııaǵa kópir» atty halyqaralyq konferentsııa barysynda QR Energetıka mınıstrligi men Q.Sátbaev atyndaǵy Qazaq ulttyq tehnıkalyq zertteý ýnıversıteti arasynda yntymaqtastyq týraly memorandýmǵa qol qoıyldy.
«Q.Sátbaev atyndaǵy Qazaq ulttyq tehnıkalyq zertteý ýnıversıteti» UAQ bazasynda QR Energetıka mınıstrliginiń kúsh-jigeri arqasynda «Jasy kópir» ınstıtýtynyń qurylatyndyǵyn atap ótken mańyzdy.
Munan bólek, memorandým aıasynda taraptar «jasyl» ekonomıka baǵyttary men Jasyl kópir seriktestik baǵdarlamasy jobalary boıynsha zertteýler júrgizý sharalaryn uıymdastyrý jumystaryn úılestiretin bolady.
Energetıka mınıstrliginiń baspasóz qyzmeti habarlaǵandaı, «Jasyl kópir» ınstıtýtyna joǵary bilikti ǵylymı kadrlar men materıaldyq baza tartylatyn bolady. Bul sharalar ınnovatsııalyq tehnologııalardy tartýǵa járdemdesý jáne «jasyl» ekonomıkany damytýǵa baǵyttalǵan jobalarǵa ǵylymı qamqorlyqty qamtamasyz etý úshin jasalady.
