Qazaqstanda «jasyl» kásiporyndardyń reıtıngi jasalady
ASTANA. QazAqparat - Qazaqstanda «jasyl» kásiporyndardyń arnaıy reıtıngi jasalyp, qorytyndysy qarasha aıynda jarııalanbaq. Bul týraly QazAqparat tilshisine Qazaqstannyń ekologııalyq uıymdar qaýymdastyǵy basqarma tóraǵasynyń orynbasary Eldos Abaqanov málim etti, dep habarlaıdy QazAqparat tilshisi.
«Osy reıtıngti biz «Interfaks-ERA» ekologo-energetıkalyq reıtıngti agenttikpen birge jasap jatyrmyz. Qazaqstan «Orhýs konventsııasyna» (qorshaǵan ortany qorǵaý máseleri boıynsha qujat) qol qoıǵan memleket. Ol qujat boıynsha bizdiń elde ekologııalyq aqparat qoljetimdi bolýy kerek. Sol konventsııaǵa sáıkes barlyq kásiporyndar ózderiniń ekologııalyq aqparattaryn halyqqa árdaıym jetkizip nemese suranysy boıynsha usynyp otyrýy tıis», - deıdi Eldos Abaqanov.
Onyń aıtýynsha, keı jaǵdaıda kásiporyndar ózderiniń ekologııalyq aqparattaryn usynǵan kúnniń ózinde halyqqa tehnıkalyq tilmen jetkizedi.
«ıAǵnı, qarapaıym halyq ol málimetterdi túsinbeýi múmkin. Reıtıng arqyly biz qandaı máselelerdi surap otyrmyz. Birinshiden, arnaıy anketa bolady. Ony qazir kásiporyndar toltyryp jatyr. Bárine hat joldadyq. Sol anketa toltyrylǵannan keıin qandaı máseleler bar - qanshalyqty aýany lastaýshy zattar kóbeıdi degen sekildi ekologııalyq parametrler boıynsha aqparat jınaımyz. Odan keıin arnaıy ádisteme arqyly kásiporyn qanshalyqty qorshaǵan ortaǵa óziniń zııanyn tıgizip jatqany esepteledi», - deıdi Eldos Abaqanov.
Basqarma tóraǵasy orynbasarynyń aıtýynsha, anketa arqyly ekologııalyq aqparatty berýde kásiporyndardyń ashyqtyǵy da kórinedi. Keı kásiporyndar ekologııalyq ahýal týraly málimetterin kórsetkisi kelmeýi múmkin. Ondaı jaǵdaıda ol kásiporyn ekologııalyq zańnamany durys iske asyryp jatqan joq dep ábden aıtýǵa bolady.
«Qarasha aıynyń ishinde reıtıngtiń qorytyndysyn jasaımyz. Soǵan sáıkes kásiporyndarda sala boıynsha kórip, ekologııalyq ashyqtyǵyn jarııa etemiz. Aqparatty bergen kásiporyndar bizdiń taraptan qajetti keńes alady. Máselen, bir taýar nemese bir shıkizat túrin shyǵaratyn eki kásiporyn osy parametrler arqyly salystyrylady», - deıdi ol.
Eldos Abaqanovtyń aıtýynsha, kásiporyndardyń anketa toltyrýy nemese toltyrmaýy ózderiniń qalaýy boıynsha júzege asyrylady.
«Reıtıngtiń sońynda kásiporyndar ekologııalyq qaýymdastyq pen qoǵamnyń aldynda ózderiniń tazalyǵyn nemese jumysty durys atqaryp jatqanyn kórsete alady. Shamamen qarashanyń sońynda reıtıngtiń sońynan keıin arnaıy úlken forým ótkizemiz. Sol forýmda reıtıngtiń úzdik kompanııalary yntalandyrýshy tetik retinde arnaıy marapatqa ıe bolady», - deıdi basqarma tóraǵasynyń orynbasary.
Eldos Abaqanov atap ótkendeı, reıtıngten keıin ekologııa qaýymdastyǵy kásiporyndarmen birlese jumys júrgizbek. Al kásiporyndar óziniń ekologııalyq ahýaly týrasynda aqparattardy qanshalyqty durys jetkizip, anketany qatesiz toltyrady? Ekologııalyq uıymdar qaýymdastyǵy basqarma tóraǵasynyń orynbasary bul másele de nazarda ekenin atap ótti.
«Biz reıtıngti jasaý kezinde kásiporyndardyń ankeatasyn ǵana qaramaımyz. Zańnamalyq túrde ekologııalyq ahýal rettelgen. Demek, ekologııalyq baqylaý komıteti, ekologııalyq ısnpektorlar onyń bárin baqylap otyr. Ekologııalyq ahýal memlekettik organdardyń baqylaýynda bolǵandyqtan, qajetti málimetterdiń bárin olardan ala alamyz. Odan bólek, kásiporyndar jumys isteıtin aımaqtarda BAQ-ta nemese áleýmettik jelilerde, táýelsiz reıtıngti agenttikterde ol aqparat bolsa, ol málimetti de anketamen salystyratyn bolamyz. Mysaly, Temirtaýda qara tústi qar jaýdy nemese taǵy basqa aımaqta ekologııalyq apat boldy. ıAǵnı, ekologııalyq apat tirkelse, kásiporynnyń usynǵan málimetinde tolyqqandylyq joq shyǵar. Mine, sony tekseremiz. Sondyqtan, reıtıng arqyly ekologııalyq kásiporyndarmen birlese otyryp, máseleni sheshý joldaryn izdeımiz», - dep túıdi Eldos Abaqanov.
