Qazaqstanda jasyl ekonomıkaǵa kóshý úshin qandaı sharalar júzege asyrylýda
NUR-SULTAN. QazAqparat – Halyqaralyq jasyl tehnologııalar jáne ınvestıtsııalyq jobalar ortalyǵy basqarma tóraǵasynyń orynbasary Maqsut Ábilqaıyrov jasyl ekonomıkaǵa aýysý úshin qandaı sharalar jasalyp jatqanyn aıtyp berdi, dep habarlaıdy QazAqparat tilshisi.
«Jyl saıyn Halyqaralyq jasyl tehnologııalar jáne ınvestıtsııalyq jobalar ortalyǵy jasyl tehnologııalardy engizý, jasyl ınvestıtsııalardy tartý taqyrybynda konferentsııa ótkizedi. Parıj kelisimi aıasynda ár el ekologııany, áleýmettik-ekonomıkalyq jaǵdaıdy jaqsartýǵa qajetti ekologııalyq normalar engizýi kerek. Qazaqstan jańa Ekologııalyq kodeks sheńberinde eń ozyq joǵary tehnologııalardy engizýge tyrysady. Eń ozyq qoljetimdi tehnologııalar qaǵıdatyn engizý qajettigi týraly norma jazyldy. Biz Eýropalyq Odaqtyń, Reseı Federatsııasynyń, Ońtústik-Shyǵys Azııa elderiniń tájirıbesin alamyz», - dedi Maqsut Ábilqaıyrov tilshilerge bergen suhbatynda.
Onyń aıtýynsha, qazaqstandyq jáne halyqaralyq sarapshylar pýly jasyl ekonomıkaǵa jáne eń ozyq qoljetimdi tehnologııalar qaǵıdattaryna kóshý máselesin talqylap jatyr. Ár ónerkásip nysany óz baǵyty boıynsha jumys júrgizedi. Tehnologııalyq aýdıt júrgizilgen soń, qandaı tehnologııany engizý kerektigi belgili bolady.
Sonymen birge, spıker OQT qaǵıdatyn engizýdiń uzaq jáne aýqymdy protsess ekenin atap ótti. Halyqaralyq jasyl tehnologııalar jáne ınvestıtsııalyq jobalar ortalyǵy bul jumysty ótken jyldan beri júrgizip keledi.
«Qazirgi ýaqytta kez kelgen ınstıtýttan tartylatyn kez kelgen ınvestıtsııa ekologııany, ıaǵnı qorshaǵan ortaǵa zııan keltirmeýdi qamtamasyz etýi kerek. Shetelden tartylǵan árbir dollar ekologııalyq baǵalaýdan ótýi kerek. Barlyq qarajat ekologııalyq normatıvterge saı bolýy tıis – energııalyq tıimdi bolyp, SO2 (kómirqyshqyl gazy) shyǵyndylaryn azaıtýy tıis. Bul – bizdiń ortalyqtyń ekinshi baǵyty, biz oǵan jaýap beremiz. Azııa Damý Banki shaǵyn jáne orta bıznesti qarjylandyrýǵa 80 mln dollardan astam qarajat tartý jóninde úlken jumys júrgizýde. Kelesi jyldan bastap shaǵyn, orta jáne mıkrobıznesti qarjylandyrýǵa jasyl qarjy belsendi tartylatyn bolady. ıAǵnı, jobany qarjylandyrýǵa qarajat tartylsa, kompanııa belgili bir talaptarǵa, mysaly, SO2 shyǵaryndylaryna baǵyttalǵan qaǵıdalarǵa saı bolýy kerek. Eger kásiporyn jabdyq satyp alsa, ol energııalyq turǵyda tıimdi bolýy tıis», - dep túsindirdi M. Ábilqaıyrov.
Onyń aıtýynsha, múddeli kásiporyndar QR Ekologııa, geologııa jáne tabıǵı resýrstar mınıstrligine, «Báıterek» ulttyq basqarýshy holdıngine, «Damý» kásipkerlikti damytý qoryna júgine alady. Halyqaralyq jasyl tehnologııalar jáne ınvestıtsııalyq jobalar ortalyǵy da keńes berýge daıyn.
Aıta keteıik, Halyqaralyq jasyl tehnologııalar ortalyǵynda «Jasyl» ekonomıka jáne eń ozyq qoljetimdi tehnologııalar qaǵıdattaryna kóshý máseleleri» atty ІІ halyqaralyq konferentsııa ótip jatyr.
Konferentsııanyń basty spıkerleri retinde qazaqstandyq sarapshylar jáne Lastanýdyń aldyn alý jáne baqylaý jónindegi Eýropalyq keshendi bıýronyń basshysy Serj Roýdıe, BUU ESKATO Qorshaǵan orta jáne damý departamentiniń dırektory Stefanes Fotıý, Qorshaǵan orta jónindegi nemis agenttiginiń ónerkásiptik shyǵaryndylar dırektıvasy jónindegi ýákiletti ulttyq organnyń sarapshysy Katıa Kraýs sııaqty taıaý jáne alys shetelden kelgen sarapshylar qatysady.
QR Parlamenti Senatynyń depýtaty Baqytjan Jumaǵulov Qazaqstan kásiporyndaryn eń ozyq qoljetimdi tehnologııaǵa kóshirý jumystary energetıka salasynan bastalatynyn málimdedi.
