Qazaqstanda jasy elýden asqan 57 myńdaı adam jumysqa ornalasty
NUR-SULTAN. QazAqparat - 2018 jyly «Eńbek» memlekettik baǵdarlamasymen 50 jastan asqan 57 myń adam jumysqa ornalastyryldy, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.
«Qazaqstanda Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy tabysty iske asyrylýda. Baǵdarlama aıasynda jastar alǵashqy jumysshy mamandyǵyn tegin ala alady. Sondaı-aq, qajetti mamandyqtar men daǵdylardy úırenýge bolady. Ótken jyly 80 myńǵa jýyq adam osy múmkindikti paıdalandy», delingen habarlamada.
2018 jyly «Eńbek» memlekettik baǵdarlamasynyń qatysýshylary 628 myń adam boldy, onyń ishinde jumyssyzdar - 509 myń adam jáne ózin - ózi jumyspen qamtyǵandar-119 myń adam.
Sondaı-aq, jastarmen qatar jumyssyz jáne jumyspen qamtylǵan adamdardyń jekelegen sanattary qatarynan memlekettik qoldaý sharalaryn alý úshin elý jastan asqan zeınetkerlik jasqa jetkenge deıin adamdarǵa basym quqyq berilgen.
2018 jyly baǵdarlamaǵa 50 jastan asqan 74 myńnan astam adam qatysty, onyń ishinde 57 myńǵa jýyǵy jumysqa ornalastyryldy.
50 jastan asqan shamamen 6 myń adam qysqa merzimdi oqytý kýrstaryna jiberildi, al 1,2 myń adam kásipkerlik negizderine oqytýmen qamtylǵan.
