Qazaqstanda jasy 65-ten asqan 250 myń adam vaktsına aldy
NUR-SULTAN. QazAqparat – Qazaqstanda jasy 65-ten asqan 250 myń adam koronavırýsqa qarsy vaktsına aldy. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.
«Búginde elimizde dıspanserlik naýqastar tobyna jatatyn adamdardyń ishinde sozylmaly aýrýlary bar naýqastardyń 4 paıyzǵa jýyǵy ǵana ekpe aldy. Qazir bul baǵytta óńirlermen jumys istep jatyrmyz. Atalǵan naýqastarda medıtsınalyq qarsy kórsetilim bolmaǵan jaǵdaıda vaktsınatsııalaý kerektigin túsindirdik», - dedi birinshi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.
Sonymen qatar ol elimizde jasy 65-ten asqan qansha adamnyń koronavırýsqa qarsy vaktsına alǵandyǵy týraly derekpen bólisti.
«Qazirgi ýaqytta jasy 65-ten astan 250 myńnan astam koronavırýsqa qarsy ekpe aldy. Bul jumys odan ary jalǵasady», - dedi Marat Shoranov.
