Qazaqstanda jasy 25-ten asqan boıdaqtardyń sany - 3 mıllıon
ASTANA. 25 sáýir. QazAqparat - Elimizde jasy 25-ten joǵary boıdaqtar sany - 3 mıllıon. 14-ten 29 jasqa deıingiler 4 mıllıon 616 myń adamdy quraıdy.
Onyń ishinde 2 mıllıon 337 myńy - er balalar, 2 mıllıon 279 myńy - qyzdar.
«Aıqyn» gazetiniń búgingi sanynda shyqqan aqparatqa súıensek, Qazaqstandaǵy názik jandylardyń 28,2 paıyzy, al er-azamattardyń 39,6 paıyzy - boıdaq eken.
Ortasha eseppen qyz balalar 24 jasynda turmys qursa, er-azamattar 27-28 jasynda úılenedi.
Demograf-ǵalym Maqash Tátimovtyń málimetteri boıynsha, elimizde 500 myńnana astam súrboıdaq hám kári qyz bar.
Al 21-29 jas aralyǵyndaǵy jastardyń, ıaǵnı jas otbasylardyń 85 paıyzy úı-kúısiz júr.
