Qazaqstanda jastardyń damý ındeksi engizilmek

NUR-SULTAN. QazAqparat - Qazaqstanda jastardyń damý ındeksin engizgen jón. Bul týraly 7-shi shaqyrylǵan Parlamenttiń 1-shi sessııasyn ashqan QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Memlekettik jastar saıasaty salasyndaǵy zańnamany jetildirý negizgi mindettiń biri. Úkimet 2020 jyly jastardy qoldaý jóninde keshendi jospar qabyldady. Táýelsizdik urpaqtary atty ulttyq joba, Memlekettik jastar saıasaty jáne volenterlik qyzmet týraly zańdar daıyndalyp jatyr. Depýtattar «jastardyń áleýmettik qyzmetteri« degen uǵymdy zań júzinde rásimdeýi kerek. Álemdik tájirıbege sáıkes, Qazaqstanda jastardyń damý ındeksin engizgen jón. Jergilikti atqarý organdarynyń jastar saıasatyn júzege asyrýǵa qatysty jumysy sonyń negizinde baǵalanady», - dedi Memleket basshysy.