Qazaqstanda jastardy damytý ındeksi ázirlenip jatyr

ASTANA. QazAqparat – Elimizde jastar ındeksi paıda bolady. Jahandyq jastardy damytý ındeksi negizinde daıyndalyp jatqan jańashyldyq týraly Aqparat jáne qoǵamdyq damý vıtse-mınıstri Danııar Qadyrov aıtyp berdi, dep habarlaıdy QazAqparat tilshisi.

«Jastardy damytý ındeksi – densaýlyq saqtaý, bilim berý, jumyspen qamtý, qoǵam ómirine aralasý, bos ýaqytty tıimdi ótkizý, qaýipsizdik deńgeıin taldaýǵa arnalǵan jıyntyq. Bizdiń ázirlep jatqanymyz – BUU-nyń jastardy damytýdyń jahandyq ındeksiniń otandyq nusqasy. Indeksti engizý elimizdiń halyqaralyq ustanymyna oń áser etedi dedi», - dedi Danııar Qadyrov OKQ-de ótken brıfıngide.

Vıtse-mınınstrdiń dáıeginshe, ındeks engizý jastar saıasatyn ulttyq jáne óńirlik deńgeıde baǵalaýǵa múmkindik beredi.

«Jastardyń damý ındeksin zańnamalyq resimdeý olardyń qoǵam ómirindegi belsendiligin arttyratynyna senimdimin. Damý ındeksi – jastar saıasatyn iske asyrý, taldaý, baǵalaý jáne naqty nátıjelerge qol jetkizý tásilderin birizdendirýdiń taptyrmas quraly», - deıdi ol.

Buǵan deıin D. Qadyrov jastar sanatyna kiretinder sany ulǵaıýyna baılanysty jeńildikpen jalǵa beriletin turǵyn úı baǵdarlamasyna ózgerister engizý qarastyrylyp jatqany týraly aıtqan edi.

Sondaı-aq, kópbalaly jáne jalǵyzbasty analar NEET sanatyna jatqyzylatyny aıtyldy.