Qazaqstanda jastar jumyssyzdyǵy boıynsha álemdegi eń tómengi kórsetkishterdiń biri qalyptasqan
Osy jınaqty Jınaqtyń basylymy ıÝNFPA men TMD Statkomıtetiniń birlesken bastamasynyń nátıjesinde júzege asyryldy. Sonymen qatar onyń jaryq kórýine Ázerbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan, Ózbekstan men Ýkraına memlekettereniń ulttyq statıstıka qyzmetteriniń járdemdesýi yqpal etti.
«Jınaqta elderdegi demografııalyq, densaýlyq saqtaý, bilim berý, jumyspen qamtý, ómir súrý sapasy sekildi mańyzdy aspektiler qamtyldy. Onyń shyǵarýdyń basty maqsaty - jastar ómirine qatysty jetispeıtin aqparatty anyqtaý. Bul óz kezeginde statıstıka mamandarymen, ǵalymdarmen, saıasatkerlermen, sondaı-aq qoǵamdyq uıymdarmen jastar statıstıkasynyń damýy keleshegin ary qaraı talqylaýdy kózdeıdi», - dedi TMD Memleketaralyq statıstıkalyq komıtetiniń basqarma basshysy Irına Zbarskaıa.
Onyń paıymynsha, jastarǵa qatysty tolyq ári senimdi statıstıkalyq málimetter olardyń ómiri men jaǵdaıyn jaqsartýǵa baǵyttalǵan barynsha tıimdi sharalardy ázirleýge múmkindik beredi.
Jastar arasyndaǵy jumyssyzdyqtyń tómengi kórsetkishi turǵysynda Qazaqstan TMD arasynda birinshi orynda (5,4 paıyz). Osy oraıda Ázerbaıjanda onyń deńgeıi 10,3 paıyz bolsa, Belarýste - 9,7 paıyz, Qyrǵyzstanda - 13,5 paıyz, Moldovada - 9,9 paıyz, Reseıde - 9,6 paıyz, Tájikstanda - 15,5 paıyz, al Ýkraınada bul kórsetkish 12,9 paıyz deńgeıinde bolǵan. Sonymen qatar bul baǵytta Armenııadaǵy jaǵdaı qıyndaý, ıaǵnı ondaǵy jastar jumyssyzdyǵy 29,4 paıyzǵa jetken eken.
Jalpy alǵanda, TMD elderinde jastar jumyssyzdyǵy 10,4 paıyz deńgeıinde bolsa, Eýropalyq odaqta osy kórsetkish 18,1 paıyzdy qamtydy. Máselen, Ispanııada onyń mejesi 40,8 paıyzǵa jetse, Grekııada 43,6 paıyzdy qurady.