Qazaqstanda jastar úshin jaıly óńir anyqtaldy
ASTANA. QazAqparat - «Jastar» ǵylymı-zertteý ortalyǵy jastar arasynda júrgizgen saýalnamanyń nátıjesin jarııalady, dep habarlaıdy QazAqparat ǴZO saıtyna silteme jasap.
Respondentter «Qazirgi súrip jatqan ómirińiz qanaǵattandyra ma?» degen suraqqa jaýap bergen.
«Nátıjesinde, ómirine tolyǵymen rıza jastardyń Túrkistan oblysynda turatynyn anyqtadyq. Oblys jastarynyń 98,3 % óz ómirleriniń tolyǵymen qanaǵattandyratynyn aıtqan. Túrkistannan keıingi oryndarda 97% kórsetkishpen Atyraý, Shyǵys Qazaqstan jáne 95,1%-pen Jambyl oblystary tur», - dep habarlady «Jastar» ǵylymı-zertteý ortalyǵy.
Saýalnamaǵa sáıkes, ómirine kóńili tolmaı júrgen jastar Soltústik Qazaqstan (71,2 %) jáne Batys Qazaqstan (78,6 %) oblystarynda turyp jatqan kórinedi.
Taldaýdyń jalpy qorytyndysy boıynsha jas qazaqstandyqtardyń basym bóligin qazirgi ómirleri qanaǵattandyrady (92 %).
