Qazaqstanda jastar sany 6 mıllıonǵa jetti – mınıstr
«Memleket basshysynyń 2019 jyly bergen tapsyrmasy boıynsha taıaýda memlekettik jastar saıasaty týraly zań qabyldandy. Zańǵa sáıkes, jastar sanaty 35-ke deıin ulǵaıdy. Osylaısha, elimizdegi osy sanattaǵy azamattar sany 6 mıllıonǵa deıin kóbeıdi. Endi salada aýqymdy ister atqarylyp, zań ıgiligin barsha jastarymyz kóredi degen senimdemiz», - dedi D. Qydyráli mınıstrliktiń keńeıtilgen alqa otyrysynda.
Prezıdent tapsyrmasyna sáıkes, 2023-2027 jyldarǵa arnalǵan memlekettik jastar saıasaty tujyrymdamasy jobasy ázirlenip, ashyq talqylaýǵa usynyldy.
«Elimizdegi jastar resýrstyq ortalyqtaryna bir jyl ishinde 400 myńnan astam adam túrli máselemen júgingen. Sondyqtan, elimizdiń barlyq óńirinde jastar resýrstyq ortalyqtary ashylýy qajet dep oılaımyz», - dedi D. Qydyráli.
