Qazaqstanda jastar arasynda 735 myń dara kásipker tirkelgen – Ulttyq statıstıka bıýrosy

ASTANA. KAZINFORM – Ulttyq statıstıka bıýrosy osy jyldyń 1 qazandaǵy jaǵdaı boıynsha elimizde tirkelgen dara kásipkerler sanyn jarııalady. Málim bolǵandaı, Qazaqstanda tirkelgen dara kásipkerler sany 1 512,9 birlik boldy, bul ótken jyldyń sáıkes kezeńimen salystyrǵanda 1,2% kóp.

Olardyń 1 426,3 myńy jumys istep tur (jalpy sannyń 94%).

«Dara kásipkerlerdiń eń kóp sany Almaty jáne Astana qalalarynda tirkelgen, olardyń sany sáıkesinshe 263,1 myń jáne 177,6 myń birlik. Úzdik úshtikti 122,2 myń dara kásipkeri bar Túrkistan oblysy túıindeıdi. Dara kásipkerlerdiń eń az sany Ulytaý oblysynda tirkelgen — 13,7 myń birlik», — delingen habarlamada. 

Tirkelgen dara kásipkerlerdiń basym bóligi (43,6%) kóterme jáne bólshek saýda salasynda — 660 myń birlik, sondaı-aq basqa da qyzmetterdi kórsetip otyr (293,5 myń birlik).

Dara kásipkerler sany qarjy jáne saqtandyrý qyzmetinde eń az — 515 birlik.

Aıta keteıik, barlyq dara kásipkerlerdiń 49% 35 jasqa deıingi jastar (735,1 myń birlik), onyń 56% — áıelder. Qala jastary dara kásipkerlerdiń jalpy sanynyń 36% quraıdy.

Eske sala keteıik, bıyl toǵyz aıda jalpy ishki ónim 4 paıyzǵa artty.