Qazaqstanda jasóspirimder arasyndaǵy nashaqorlyq kórsetkishi azaımaı tur
ALMATY. Maýsymnyń 23-i. QazAqparat /Erbol Turymbetov/ - Qazaqstanda qazir esirtki tutynýshylardyń joǵarǵy kórsetkishi Almaty qalasynda tirkelip otyr. Bul týraly Salaýatty ómir saltyn qalyptastyrý máseleleri ulttyq ortalyǵynyń dırektory Sáýle Dıqanbaeva búgin Almatyda ótkizgen baspasóz máslıhatynda aıtty,
dep habarlaıdy QazAqparat.
Birikken Ulttar Uıymynyń baǵalaýy boıynsha, álemde qazirgi kezde esirtki qoldanatyndardyń sany 185 mıllıon adamǵa jetken. Al Nashaqorlyqtyń medıko-áleýmettik máseleleri respýblıkalyq ǵylymı-tájirıbelik ortalyǵynyń málimeti boıynsha, Qazaqstanda jasóspirimder arasynda nashaqorlyqqa shaldyǵý byltyr 100 myń adamǵa shaqqanda 564,2 adamdy quraǵan. 2008 jylmen salystyrǵanda bul 20 paıyzǵa joǵary. Sońǵy kezde sondaı-aq, alkogoldik, sedatıvtik zattarǵa jáne temekige táýeldiliktiń de artqany baıqalýda.
«Saraptamalyq baǵalaýlar boıynsha, árbir nashaqor esirtki tutynýǵa jylyna 13-15 adamdy tartady. Adamdardyń AQTQ ınfektsııasyn juqtyrýyna da kóp jaǵdaıda nashaqorlar sebepshi bolýda», dedi Salaýatty ómir saltyn qalyptastyrý máseleleri ulttyq ortalyǵynyń dırektory Sáýle Dıqanbaeva.
