Qazaqstanda jasóspirim balasy áleýmettik jelige tirkelgen ata-ana aıyppul tóleıdi
ASTANA. QazAqparat - Qazaqstanda 16 jasqa deıingi balalarǵa áleýmettik jelige kirýge shekteý qoıatyn zań ázirlenip jatyr. Zań jobasyna jaýapty Aqparat jáne kommýnıkatsııalar mınıstrligi tek qana tehnıkalyq problemalardy sheship qana qoımaı, balasy áleýmettik jelige tirkelgen ata-analarǵa da aıyppul salýdy usynýda.
Bul normany qoǵam qaıratkeri Arýjan Saın da qoldap otyr. «Ata-ana óz balasyna jaýap bermeıinshe biz bul problemany esh ýaqytta jeńe almaımyz. Eger áleýmettik jeliler ákimshileri balalardyń tirkelýine baqylaý jasaı almaıtyn bolsa, onda ÚEU-ler men mektepterge jáne ınspektorlarǵa baqylaý jasaý múmkindigin bergen jón», - dedi ol atalǵan taqyrypqa arnalǵan dóńgelek ústel otyrysynda.
Onyń paıymynsha, oıyn-saýyq quratyn oryndardyń uıymdastyrylmaýy sebepti balalar birneshe saǵat áleýmettik jelide otyrady.
«Bizdiń mádenıet jáne sport, bilim jáne ǵylym mınıstrlikteri men jergilikti atqarýshy organdarǵa shaǵymymyz kóp. Bizdiń bıýdjetimiz balalarmen, jasóspirimdermen naqty jumystarǵa emes, qandaı da bir qalalyq merekelik sharalarǵa jumsalyp jatqan kezde biz balalardy áleýmettik jeliden shyǵara almaımyz. Tipti, keleshegi joq, básekege qabiletsiz, qolynan is kelmeıtin jastar paıda bolady», - dedi ol.
Degenmen, ata-anaǵa aıyppul salý normasyna QR Parlamenti Májilisiniń depýtaty Keńes Absatırov qarsy shyqty.
«Barlyǵyn aıyppulǵa ákep tireı berýge bolmaıdy. Biraz ýaqyttan keıin bizdiń azamattarymyz tas jolǵa shyqqany úshin de aıyppul tóleıtin bolady. Barlyǵyn birdeı aıyppulmen shekteý jetkilikti. Odan da adamdardy tárbıeleıik. Tarıhqa qatysty óte jaqsy kitaptardyń eń arzany úsh myń teńge turady. Ata-ananyń óz balasyn bir ispen aınalystyrýy úshin kitap satyp alýǵa aqshasy joq pa? Onda balalar úshin ádebıetterdi, sonymen qatar boks, fýtbol, hokkeıden basqa da sport sektsııalaryn qoljetimdi etip jasaıyq. Sonda bala áleýmettik jeliden ajyraıdy», - dedi depýtat.
Al QR Aqparat jáne kommýnıkatsııalar mınıstrliginiń jaýapty hatshysy Janat Qojahmetova óz kezeginde zań jobasynda kózdelip otyrǵan ózge de normalarǵa toqtaldy.
«Biz mektep ákimshiligin wi-fi-dy qosa alǵanda qoljetimdi ınternetpen qamtamasyz etýdi mindetteýdi josparlaýdamyz. Onda quqyqqa qaıshy keletin kontentter buǵattalatyn bolady. Bul arnaıy baǵdarlamalardyń, sonymen birge baılanys operatorlarmen kelisim negizinde jasalýy múmkin. Munan bólek, baılanys operatorlary aqylǵa qonymdy tólemge balalar ınternetin qarastyrýyn engizý kózdelýde. ıAǵnı, men ata-ana retinde uıaly telefon satyp alyp, arnaıy balalarǵa qoljetimdi, zańǵa qaıshy keletin saıttar buǵattalǵan baǵdarlama ornatamyn», - dedi ol.
